వాట్సాప్​తో ఒంటిరితనం దూరం.. ఆరోగ్యం పదిలం

స్మార్ట్​ఫోన్​ల రాకతో సామాజిక మాధ్యమాలు జీవితంలో భాగమయ్యాయి. నిరంతరం మొబైల్​కేసి చూస్తే దుష్ప్రభావాలు ఉంటాయని ఎన్నో నివేదికలు తేల్చాయి. అయితే ఇందులోనూ సానుకూల అంశాలు ఉన్నాయని ఇంగ్లాండ్​కు చెందిన ఓ విశ్వవిద్యాలయం చేసిన ఆధ్యయనంలో వెలుగుచూసింది.

సామాజిక మాధ్యమాలపై ఆధ్యయనం చేసిన ఇంగ్లాండ్​ విశ్వవిద్యాలయం ఆసక్తికర ఫలితాలను వెల్లడించింది. ముఖ్యంగా వాట్సాప్​లో ఎక్కువ సమయం గడిపేవారు ఒంటరితనానికి దూరం అవుతున్నారని ఓ నివేదికలో తెలిపింది ఎడ్జ్​ హిల్​ విశ్వవిద్యాలయం. మానసికంగా దృఢంగా ఉండేలా వాట్సాప్​ ఉపయోగపడుతోందని నివేదించింది.

"వాట్సాప్​లో ఎంత ఎక్కువ సమయం గడిపితే అంతగా వారి స్నేహితులు, బంధువులతో దగ్గరగా ఉన్నట్టు భావిస్తున్నారు. వారి మధ్య బంధాలు మరింత దృఢమవుతున్నాయి. ఈ బంధానికి వారు మరింత ఆకర్షితులవుతున్నారు. వాట్సాప్​ గ్రూపుల్లో ఆత్మీయత పెరుగుతోంది. ఇది వారిలో ఆత్మ విశ్వాసానికి, సామాజిక పోటీ తత్వంలో సానుకూల ఫలితాలకు ఉపకరిస్తోంది."

-డాక్టర్​ లిండా కేయ్​, పరిశోధకురాలు

ఈ ఆధ్యయనం కోసం 200 మంది వినియోగదారులపై పరిశోధన చేశారు. ఇందులో 158 మంది మహిళలు, 41 మంది పురుషులు ఉన్నారు. వీరందిరి సగటు వయసు 24. పరిశోధనలో వెలుగు చూసిన మరిన్ని అంశాలు...

• ఒక రోజులో వాట్సాప్​ను సగటున 55 నిమిషాలు వాడుతున్నారు.
• ఇందులో గ్రూప్​ మెస్సేజింగ్​కే అధిక ప్రాధాన్యం

ఇదీ చూడండి: 'భుట్టో' బుట్టలో పడిపోయాం: నట్వర్​ సింగ్