మొక్కలు సెల్ఫీ తీసుకుంటాయక్కడ..అదెలా?

మొక్కల నుంచి శక్తి ఉత్పత్తి చేసి, దానితో సెల్ఫీ తీసుకునేలా వినూత్న ఆలోచన చేశారు జూలాజికల్ సొసైటీ అఫ్ లండన్​ అధికారులు. పర్యావరణ పరిరక్షణే ధ్యేయంగా ఈ ప్రయోగం చేపట్టామని వారు తెలిపారు.

పర్యావరణ పరిరక్షణ కోసం లండన్​ జంతుప్రదర్శనశాల అధికారులు వినూత్న ప్రయత్నం చేశారు. దీనిలో భాగంగా మొక్కల నుంచి విద్యుత్ శక్తి​ ఉత్పత్తి చేస్తున్నారు. దానితో మొక్క తనకు తానుగా సెల్ఫీ తీసుకునే ఏర్పాటు చేశారు. ఈ ఆలోచన జూ సందర్శకులను విపరీతంగా ఆకర్షిస్తోంది... ఆలోచింపజేస్తోంది.

లండన్​ నగరంలోని 'జూలాజికల్​ సొసైటీ ఆఫ్​ లండన్' (జెడ్​ఎస్​ఎల్​)... సభ్యులు ప్రపంచంలోనే ​మొదటిసారిగా మొక్కల సెల్ఫీ అనే వినూత్న ఆలోచన చేశారు. అందుకోసం జూలోని మొక్కలకు సూక్ష్మజీవుల ఇంధన కణాలను ఎరువుగా వేస్తున్నారు. దీని ద్వారా మొక్క నుంచి విద్యుత్​ ఉత్పత్తి చేస్తున్నారు. దీనిని వినియోగించి మొక్క తనకు తానుగా సెల్ఫీ తీసుకుంటుంది.

"మేము సజీవ మొక్కల నుంచి (విద్యుత్) శక్తిని ఉత్పత్తి చేస్తున్నాము. మొక్కల సెల్ఫీ తీయడానికి ఎంతో ఉత్తేజకరమైన ప్రయోగం... ఈ జంతుప్రదర్శనశాలలో నిర్వహిస్తున్నాం. ఇందులో మొక్క శక్తిని నిల్వ చేస్తుంది. దానిని మేము ఫోటో తీయడానికి వినియోగిస్తాం." - అలాస్​డైర్​ డేవిస్​, జెడ్​ఎస్​ఎల్​ పరిరక్షణ సాంకేతిక నిపుణుడు

మొక్కలు కిరణజన్య సంయోగక్రియ జరిపి... చక్కెరలను ఉత్పత్తి చేస్తుంది. ఆ చక్కెరలను మట్టిలోని బాక్టీరియా విచ్ఛిన్నం చేస్తుంది. అప్పుడు శక్తి ఉత్పన్నమవుతుంది.
ఆ శక్తిని సమీప సూక్ష్మజీవులు ఇంధన కణాలు ఉపయోగించుకుంటాయి. సౌరశక్తిలా కాకుండా, ఇది దట్టమైన మొక్కల పందిరి కింద కూడా ఉపయోగించుకోవచ్చు. ఈ శక్తి మొక్కల్లోని ఉష్ణోగ్రత, తేమ, పెరుగుదల మొదలగు అన్ని రకాల విషయాలనూ ఇది రికార్డు చేయడానికి సహాయపడుతుంది.

జూన్ 20 నుంచి ఈ ప్రయోగం చేపట్టారు. అయితే ఇంకా ఆ మొక్క సెల్ఫీ తీసేంత శక్తిని పెంచుకోలేదు. మరో రెండువారాల్లో స్నాపింగ్ చేసే స్థితికి చేరుకుంటుందని వారు ఆశిస్తున్నారు.

ఇదీ చూడండి: ముంబయిని ముంచెత్తుతున్న భారీ వర్షాలు