సౌదీ అరేబియాలో 37 మందికి మరణదండన

సౌదీ అరేబియాలో 37 మంది పౌరులకు మరణ శిక్ష విధించింది అక్కడి ప్రభుత్వం. మూడేళ్లుగా ఉగ్రవాద కార్యకలాపాల్లో పాల్గొన్న వారికి సామూహికంగా దండన అమలు చేశారు.

సౌదీ అరేబియాలో మరోసారి సామూహిక మరణ దండన విధించింది అక్కడి ప్రభుత్వం. మూడేళ్లుగా ఉగ్రవాద కార్యకలాపాల్లో నిందితులుగా ఉన్న 37 మందికి శిక్ష అమలు చేసింది. రియాద్, మక్కా మదీనా, ఖాసిమ్​ ప్రాంతాల్లో ఈ శిక్షలను అమలు చేశారు.

"ఉగ్ర, వేర్పాటు వాద కార్యకలాపాల్లో పాలుపంచుకున్న వారికి శిక్షను అమలు చేశారు. అందులో ఓ వ్యక్తికి నేర తీవ్రతను బట్టి శిక్ష అనంతరం శిలువ వేశారు."

-సౌదీ ప్రభుత్వ వార్తా సంస్థ

వివరాల ప్రకారం ఈ ఏడాది ప్రారంభం నుంచి సుమారు 100 మందికి సౌదీలో మరణ శిక్ష విధించారు.