ఇరాక్​లో ఆత్మాహుతి దాడి... 8 మంది మృతి

ఇరాక్​లో మరోమారు ఆత్మాహుతి దాడి జరిగింది. రాజధాని నగరం బాగ్దాద్​లో జరిగిన ఈ దాడిలో 8 మంది ప్రాణాలు కోల్పోయారు. 15 మంది తీవ్రంగా గాయపడ్డారు. స్థానిక జమీలా మార్కెట్​లో ఈ ఘాతుకానికి ఒడిగట్టాడు దుండగుడు.

ఇరాక్​ మరోసారి రక్తసిక్తమైంది. గురువారం సాయంత్రం రాజధాని బాగ్దాద్​ నగరంలో ఆత్మాహుతి దాడికి పాల్పడ్డాడు ఓ దుండగుడు. ఈ ఘటనలో 8 మంది అక్కడికక్కడే ప్రాణాలు కోల్పోయారు. మరో 15 మంది తీవ్ర గాయాలపాలయ్యారు. రంజాన్​ నెల సందర్భంగా రద్దీగా ఉండే స్థానిక జమీలా మార్కెట్​లో ఈ ఘాతుకానికి ఒడిగట్టాడు ఆగంతకుడు.

సమాచారం అందుకున్న వెంటనే ఘటనాస్థలికి చేరుకున్నారు భద్రతా సిబ్బంది. క్షతగాత్రులను ఆసుపత్రికి తరలించి చికిత్స అందిస్తున్నారు. ఈ దాడి వెనుక ఏదైనా ఉగ్రసంస్థ హస్తముందేమో అన్న కోణంలో దర్యాప్తు ప్రారంభించారు అధికారులు.

ఇదీ చూడండి : కాంగ్రెస్, భాజపా దొందు దొందే : మాయావతి