కశ్మీర్ అంశంలో పాకిస్థాన్ ఎత్తుగడలను అంతర్జాతీయ వేదికలో భారత్ మరోసారి ఎండగట్టింది. ఉగ్రవాదంపై పాకిస్థాన్తో చర్చలు జరిపేందుకు భారత్ సిద్ధంగా ఉందని మన దేశ విదేశాంగ మంత్రి జైశంకర్ స్పష్టం చేశారు. అయితే అవి ఉద్రిక్తతల నడుమ జరిగే అవకాశం లేదని తేల్చిచెప్పారు.
సింగపూర్లో జరుగుతున్న మింట్ ఆసియా నాయకత్వ సదస్సులో కశ్మీర్ సమస్యపై మాట్లాడారు జైశంకర్.
"ఉగ్రవాదంపై పాకిస్థాన్తో చర్చలకు భారత్ సిద్ధంగా ఉంది. అయితే ఈ చర్చలు మా తలపై తుపాకీ పెట్టి డిమాండ్ చేసినట్లు కాకుండా స్వేచ్ఛాయుత మార్గంలో జరగాలి. పాక్లో 40 ఉగ్రవాద సంస్థలు పని చేస్తున్నాయని ఆ దేశ ప్రధాని ఇమ్రాన్ ఖాన్ వ్యాఖ్యానించారు. చర్చలకు సిద్ధం అంటూనే రాత్రికి వచ్చి మీ దేశంలోని నగరాలను అణుబాంబులతో పేల్చేస్తామని చెప్పడం సరికాదు. భారత్-పాకిస్థాన్ మధ్య ఏదైనా చర్చించాల్సి వస్తే ఈ రెండు దేశాలు మాత్రమే మాట్లాడుకోవాలి."
-జైశంకర్, భారత విదేశాంగ మంత్రి
ఇదీ చూడండి: పాకిస్థాన్కు కశ్మీర్ కంఠసిర: ఇమ్రాన్ఖాన్