'వైరస్​ కట్టడికి.. లాక్​డౌన్​ కన్నా అదే మేలు'

కొవిడ్​ వ్యాప్తిని అరికట్టడానికి లాక్​డౌన్​ కన్నా గుంపులుగా తిరగకపోవడం, భౌతిక దూరం పాటించడమే కీలకమని డబ్ల్యూహెచ్​ఓ అధికారి డా.పూనమ్ సింగ్ అన్నారు. పరీక్షలు, చికిత్సను పెంచాల్సిన అవసరం ఉందని ఆమె అభిప్రాయపడ్డారు.

కొవిడ్​ 19, దాని రకాల వ్యాప్తిని అరికట్టడానికి తగిన జాగ్రత్తలు తీసుకోవడం, నిబంధనలను పాటించడమే సరైన మార్గమని ప్రపంచ ఆరోగ్య సంస్థ (డబ్ల్యూహెచ్​ఓ) ఆగ్నేయాసియ ప్రాంత డైరెక్టర్ డా. పూనమ్ ఖేత్రపాల్ సింగ్​ అన్నారు. టెస్ట్, ట్రేస్, ఐసొలేట్, ట్రీట్​మెంట్​ కోసం చేస్తున్న కృషిని వేగవంతం చేయాల్సిన అవసరం ఉందని ఓ ఇంటర్వ్యూలో పేర్కొన్నారు.

ఏప్రిల్​ ఆరంభం నుంచి భారత్​లో తీవ్ర స్థాయిలో కేసులు నమోదవుతున్నాయి. శనివారం మరో 1,45,384 కొత్త కేసులతో దేశంలో కేసుల సంఖ్య 1,32,05,926కు పెరిగింది.

ఈ నేపథ్యంలో లాక్​డౌన్​లతో సంబంధం లేకుండా సమూహాల్లో తిరగకపోవడం, భౌతిక దూరం లాంటివి కొవిడ్​ వ్యాప్తిని మందగిస్తాయని సింగ్​ సూచించారు. మహమ్మారిపై పోరాటంలో చేతులు శుభ్రంగా ఉంచుకోవడం, దగ్గేటప్పుడు జాగ్రత్తలు తీసుకోవడం ప్రధానమని చెప్పారు. ప్రజారోగ్య, సామాజిక చర్యలను కఠినంగా అమలు చేయడం వైరస్ వ్యాప్తి నిరోధానికి కీలకమని అన్నారు.

ఇదీ చూడండి:ప్రశాంత్​ కిశోర్​ నోట భాజపా అనుకూల మాట!