ప్రపంచంలోనే అత్యంత ఎత్తైన శిఖరంగా పేరొందిన మౌంట్ ఎవరెస్ట్.. తాజా ఎత్తును సంయుక్తంగా ప్రకటించాయి నేపాల్-చైనా. ఆ శిఖరం 8,848.86 మీటర్ల(29,032 అడుగులు) ఎత్తు ఉందని వెల్లడించింది. పాత లెక్కల కన్నా ఇది 86 సెంటీమీటర్లు ఎక్కువ.
2015లో వచ్చిన భూకంపంతో పాటు ఇతర కారణాల వల్ల.. ఎవరెస్ట్ ఎత్తు తగ్గిపోయిందన్న ఊహాగానాల నేపథ్యంలో సర్వే చేపట్టింది నేపాల్. ఏడాది పాటు సాగిన ఈ ప్రక్రియలో చైనా సాయం తీసుకుంది.