ఎవరెస్ట్​ శిఖరంపై 5 టన్నుల చెత్త సేకరణ

స్వచ్ఛ మౌంట్​ ఎవరెస్ట్​ కార్యక్రమం జోరుగా సాగుతోంది. సైన్యం సాయంతో పారిశుద్ధ్య కార్యక్రమాలు చేపడుతోంది నేపాల్ ప్రభుత్వం. ఏప్రిల్​ 14 నుంచి ఇప్పటివరకు 5వేల కిలోల చెత్త సేకరించింది.

ఎవరెస్ట్.. ప్రపంచంలోనే అత్యంత ఎత్తైన పర్వత శిఖరం. పర్వాతోహరణకు ఎంతో మంది వెళ్తున్నారు. వారంతా ఎవరెస్ట్‌పైకి తీసుకెళ్లిన వస్తువులు, చెత్తను వెనక్కు తెచ్చేయాలి. అలా చేయడం లేదు. ఫలితంగా కొండపై చాలా చెత్త పేరుకు పోయింది.

నేపాల్​ సైన్యం సాయంతో హెలికాఫ్టర్లను ఉపయోగించి మరీ వెళ్లి శుభ్రం చేయిస్తున్నారు అధికారులు. ఏప్రిల్​ 14న నుంచి చేపట్టిన ఈ కార్యక్రమంలో ఇప్పటికే 5 వేల కేజీల చెత్తను సేకరించారు. ఇందులో పునర్వినియోగించదగ్గ చెత్తను వేరు చేసి, శుద్ధి చేస్తున్నారు.

"నేపాల్​ సైన్యంతో పాటు చాలా మంది ఇందులో పాల్గొన్నారు. ఇప్పటికే 5 వేల కేజీల చెత్తను సేకరించాం. వాటిలో అధిక శాతం సిలిండెర్లు, ప్లాస్టిక్​ సంచులు, ప్లాస్టిక్​ వ్యర్థాలతో పాటు పడేయదగ్గ వస్తువులే ఉన్నాయి."
-దండు రాజ్​ గిమ్రే, నేపాల్ పర్యటక శాఖ డీజీ

• ఇదీ చూడండి: కాశీలో 'తిరస్కరణ'పై విచారణకు నిరాకరణ