ఎదుటివాళ్లు మాస్క్​ పెట్టుకోలేదా? ఇలా చెప్పండి..

కొవిడ్​-19పై పోరులో మాస్క్​ తప్పనిసరి అంటున్నారు వైద్యనిపుణులు. అయితే.. పరిచయం లేని వ్యక్తిని మాస్క్​ ధరించండి అని అడగాలంటే కొంచెం ఇబ్బందిగానే ఉంటుంది. మరి వాళ్లను మాస్క్​ ధరించమని ఎలా అడగాలో చెబుతున్నారు అమెరికాలోని ఆబర్న్ విశ్వవిద్యాలయం నిపుణులు.

ఎదుటివారిని మాస్క్​ ధరించండి అని ఎలా చెప్తే బాగుంటుందో వివరిస్తున్నారు ఆబర్న్ విశ్వవిద్యాలయం నిపుణులు. మనకు పరిచయం లేని వ్యక్తులను మాస్కు ధరించండి అని చాలా తెలివిగా, మర్యాదపూర్వకంగా అడగాలి లేకుంటే వారు మారే అవకాశం తక్కువని అమెరికాలోని ఆబర్న్​ విశ్వవిద్యాలయానికి చెందిన శాస్త్రవేత్త జాన్​ కవోకిజియాన్​ అంటున్నారు.

ఒకవేళ మీరు ఏ దుకాణంలోనో, రెస్టారెంట్​లోనో ఉంటే అక్కడ ఉన్న ఇంఛార్జికి మాస్కు ధరించని వ్యక్తి గురించి చెప్పాలి. మీరు ఎవరితోనైనా సంభాషిస్తున్నప్పుడు అవతలివారితో 'మనిద్దరి భద్రత కోసం మనం మాస్కులు ధరించి మాట్లాడుకుందాం.' అని తెలివిగా చెప్పాలని నిపుణులు అంటున్నారు.