యుద్ధం కోరుకుంటే ఇరాన్​ కథ ముగిసినట్టే: ట్రంప్​

ఇరాన్​ను అమెరికా అధ్యక్షుడు డొనాల్డ్​ ట్రంప్​ తీవ్రంగా హెచ్చరించారు. యుద్ధం ఆశిస్తే ఇరాన్​ కథ ముగుస్తుందని ఆగ్రహం వ్యక్తం చేశారు. అమెరికాను బెదిరిస్తే ఇరాన్​ను ధ్వంసం చేస్తామని పునరుద్ఘాటించారు.

ఇరాన్​పై తీవ్రంగా మండిపడ్డారు అమెరికా అధ్యక్షుడు డొనాల్డ్​ ట్రంప్. యుద్ధం కోరుకుంటే ఆ దేశం కథ ముగిసినట్టేనని ట్వీట్​ చేశారు. ఎప్పుడూ అమెరికా జోలికి రావొద్దని హెచ్చరించారు.

ట్రంప్​ ఆగ్రహంతో అమెరికా- ఇరాన్​ దేశాల మధ్య బంధం మరింత బలహీనపడినట్టు స్పష్టమవుతోంది.

'ఇరాన్​తో యుద్ధం జరగదు', 'త్వరలో ఇరాన్​ చర్చలకు సిద్ధపడుతుంది...' అంటూ ప్రకటనలు చేసిన ట్రంప్​... ఇరాన్​ను ధ్వంసం చేస్తామని చేసిన తాజా వ్యాఖ్యలు సర్వత్రా ఆందోళన కలిగిస్తున్నాయి.

'భ్రమలో లేం...'

యుద్ధ వాతావరణంపై ఇరాన్​ విదేశాంగ మంత్రి మహమ్మద్​ జవాద్​ స్పందించారు.

"యుద్ధం చేయాలని ఇరాన్​ కోరుకోవట్లేదు. ఈ ప్రాంతంలో ఇరాన్​ను ఎదిరించి ఎవరైనా గెలుస్తారన్న భ్రమలో మేం లేము."
--- మహమ్మద్​ జవాద్​, ఇరాన్​ విదేశాంగ మంత్రి.

ఇదీ చూడండి- 'నమో 2.0: ఎన్డీఏకే మళ్లీ అధికారం...!'