దాదాపు 12 విదేశీ ఉగ్రవాద సంస్థలకు(ఎఫ్టీఓ).. పాకిస్థాన్(Pak terror news) కేంద్రంగా మారిందని అమెరికా కాంగ్రెషనల్ నివేదికలో వెల్లడించింది. ఇందులో లష్కరే తోయిబా, జైషే మహ్మద్, హుజీ వంటివి ఉన్నాయని పేర్కొంది. 1980ల నుంచి పాక్ కేంద్రంగా ఉగ్రకార్యకలాపాలు(Terrorist attack) పెరిగాయని తెలిపింది.
అమెరికా కాంగ్రెస్ పరిశోధనా విభాగం.. ఇండిపెండెంట్ కాంగ్రెషనల్ రీసెర్చ్ సర్వీస్(సీఆర్ఎస్).. గత వారం జరిగిన క్వాడ్ సదస్సు సందర్భంగా ఈ రిపోర్టును విడుదల చేసింది. ఈ గ్రూపులను ఐదు విధాలుగా విభజించింది.
అవి
ప్రపంచవ్యాప్తంగా దాడులు చేసే సంస్థలు.
అఫ్గాన్‌లో దాడులు చేసేవి.
భారత్, కశ్మీర్ లక్ష్యంగా దాడులు చేసేవి.
పాక్‌లోనే విధ్వంసం సృష్టించేవి.
షియా వర్గానికి వ్యతిరేకంగా పనిచేసేవి.
లష్కర్ తోయిబా నుంచి అల్ఖైదా వరకు ఎన్నో ఉగ్రవాద సంస్థలకు పాక్ పుట్టినిల్లుగా మారిందని తమ నివేదికలో వెల్లడించింది.
లష్కరే తోయిబా(ఎల్ఈటీ) 1980ల్లో పాకిస్థాన్లో ఏర్పడింది. 2001లో విదేశీ ఉగ్రవాద సంస్థగా ముద్ర పడింది. భారత్లో (Pak terror attacks in India) జరిగిన 2008 ముంబయి ఉగ్రదాడులతో సహా ఎన్నో భయంకర ఉగ్ర కుట్రల వెనుక ఎల్ఈటీ ఉందని సీఆర్ఎస్ చెప్పింది.
కశ్మీర్కు చెందిన కరడుగట్టిన ఉగ్రవాది మసూజ్ అజార్.. 2000లో జైషే మహ్మద్ సంస్థను స్థాపించాడు. 2001లో దీనిపై ఎఫ్టీఓ ముద్రపడింది. 2001లో భారత పార్లమెంటుపై దాడి సహా ఎన్నో భయానక దాడులకు ఇది కారణమైందని కాంగ్రెస్ నివేదిక తెలిపింది.
హరకత్-ఉల్ జిహాద్ ఇస్లామీ(హుజీ) అఫ్గాన్, పాక్, బంగ్లాదేశ్, భారత్లో తన ఉనికిని పెంచుకుంటోందని వివరించింది.
''హుజీ ఇప్పుడు అఫ్గానిస్థాన్, పాకిస్థాన్, బంగ్లాదేశ్, భారత్లో తన ఉనికిని చాటుకుంటోంది. కశ్మీర్ను పాక్లో విలీనం చేయాలని కోరుతోంది. ముఖ్యంగా ఇది పాక్ ఆక్రమిత కశ్మీర్ (Kashmir news), కొన్ని పాక్ నగరాల కేంద్రంగా తన కార్యకలాపాలను నిర్వర్తిస్తోంది.''
- సీఆర్ఎస్ రిపోర్ట్
వీటితో పాటు హిజ్బుల్ ముజాహిద్దీన్, అల్ ఖైదా కూడా పాకిస్థాన్(Pak terror news) కేంద్రంగా పనిచేస్తున్నాయని యూఎస్ కాంగ్రెస్ వెల్లడించింది. ఎన్నో ఉగ్రముఠాలకు(Terrorist attack) పాకిస్థాన్ స్వర్గధామంగా మారుతోందని స్పష్టం చేసింది.
''ఉగ్రవాద సంస్థలకు పాక్ సురక్షిత ప్రాంతంగా మారింది. అదో స్వర్గధామంలా తయారైంది. అఫ్గానిస్థాన్ను లక్ష్యంగా చేసుకున్న సంస్థలకు, భారత్పై (Pak attack India) గురిపెట్టిన ఉగ్రముఠాలకు.. తమ భూభాగం నుంచి కార్యకలాపాలు కొనసాగించేందుకు పాక్ అవకాశమిస్తోంది.''
- యూఎస్ కాంగ్రెస్ నివేదిక
జమ్ముకశ్మీర్ పుల్వామాలో 2019లో జరిగిన ఉగ్రదాడి అనంతరం.. ఉగ్రవాద వ్యతిరేక చర్యలను పాక్(Pak terror news) కాస్త పెంచి పోషించిందని సీఆర్ఎస్ ప్రస్తావించింది. అయితే.. అఫ్గాన్, భారత్ లక్ష్యంగా పనిచేసే ఉగ్రముఠాలకు వ్యతిరేకంగా పెద్ద నిర్ణయాలేమీ తీసుకోలేదని పేర్కొంది.
సీఆర్ఎస్ నివేదిక.. అమెరికా కాంగ్రెస్ అధికారిక రిపోర్టు కాదు. స్వతంత్ర నిపుణులు.. ఈ నివేదికను రూపొందిస్తారు.
అఫ్గానిస్థాన్(Afghanistan Taliban) సహా పాక్ పోరుగు దేశాలతో పాటు అమెరికా.. చాలా ఏళ్లుగా ఇస్లామాబాద్ ఉగ్రవాదానికి సురక్షిత ప్రాంతమని, ఆ దేశం వారికి సాయం చేస్తోందని ఆరోపిస్తున్నాయి.
పాకిస్తాన్‌లోని ఉగ్రవాద సంస్థలపై అక్కడి ప్రభుత్వం గట్టి చర్యలు తీసుకోవాలని అమెరికా ఉపాధ్యక్షురాలు కమలా హారిస్‌ ఇటీవల భారత ప్రధాని నరేంద్ర మోదీతో భేటీ అయిన సందర్భంలోనూ ప్రస్తావించారు.
అయితే.. ఆ ఆరోపణలను పాక్ ఖండిస్తూ వస్తోంది.
ఇవీ చూడండి: తాలిబన్లతో నిరంతరం టచ్లో పాక్ సైన్యం!
ఉగ్రవాదానికి పాక్ సాయంపై క్వాడ్ నేతల ఆగ్రహం!
UNGA 2021: మళ్లీ పాక్ వక్ర బుద్ధి- గట్టిగా బదులిచ్చిన భారత్
