కరోనా చికిత్సకు నాలుగు రకాల డ్రగ్స్ ప్రభావం చూపిస్తున్నాయని అమెరికాలోని భారత సంతతి శాస్త్రవేత్తలు గుర్తించారు. గతంలో ఎబోలా చికిత్సకు ఉపయోగించిన రెమ్డెసివిర్ సహా మరో మూడు యాంటివైరల్ డ్రగ్స్.. కరోనాను నిలువరిస్తున్నట్లు చెప్పారు.
అమెరికాలోని యూనివర్సీటీ ఆఫ్ మిస్సోరిలో అసోసియేట్ ఫ్రొఫెసర్ కమలేంద్ర సింగ్ అతని బృందంతో కలిసి ఈ నాలుగు డ్రగ్స్పై పరిశోధనలు జరిపారు. వీటి ప్రభావం ఏ విధంగా ఉంటుందని కంప్యూటర్ ఆధారిత పరీక్షలు నిర్వహించారు. కరోనా వైరస్ను ఇవి నియంత్రిస్తున్నట్లు తేల్చారు.