ప్రజాస్వామ్యం కోసం సుడాన్​ వాసుల ఉద్యమం

సుడాన్​లో నిరసనలు తారస్థాయికి చేరాయి. ప్రజాస్వామ్య ప్రభుత్వాన్ని ఏర్పాటు చేయాలన్న డిమాండ్​తో వేల మంది ప్రజలు రోడ్డెక్కారు.

సుడాన్​లో నిరసనకారుల ఆందోళనలు ఇంకా కొనసాగుతూనే ఉన్నాయి. సైన్యం.. పౌరప్రభుత్వాన్ని ఏర్పాటుచేయాలంటూ దేశ రాజధాని ఖర్తూమ్​కు భారీ ర్యాలీ నిర్వహించారు ప్రజలు.

సుడాన్​లో ఎప్పటినుంచో ప్రభుత్వ వ్యతిరేక ఆందోళనలు జరుగుతున్నాయి. ఎంతోకాలంగా అధ్యక్షుడిగా ఉన్న ఒమర్​ అల్​ బషీర్​ ఇటీవల సైన్యం తిరుగుబాటుతో గద్దె దిగారు. ఆయన స్థానంలో సైన్యాధిపతి అహ్మద్​ ఔఫ్​ పాలనా పగ్గాలు చేపట్టారు. ఒమర్​ తప్పుకున్నా అహ్మద్​ అధికారం చేపట్టడంపై సుడాన్​ ప్రజలు తీవ్ర వ్యతిరేకత వ్యక్తంచేశారు. ఫలితంగా ఒక్కరోజుకే అహ్మద్​ రాజీనామా చేశారు.

సుడాన్​లో ప్రజాస్వామ్య ప్రభుత్వాన్నే ఏర్పాటు చేయాలని డిమాండ్​ చేస్తూ అక్కడి ప్రజలు ఆందోళనలు కొనసాగిస్తున్నారు.

ఇదీ చూడండి:'మోదీ డూప్​'కు ఎన్నికల సంఘం నోటీసులు