Mahesh-Trivikram movie release date: మహేష్ బాబు కథానాయకుడిగా త్రివిక్రమ్ శ్రీనివాస్‌ దర్శకత్వంలో ఓ సినిమా రూపొందనున్న సంగతి తెలిసిందే. ఇంకా సెట్స్‌పైకి వెళ్లని ఈ సినిమా గురించి చిత్ర బృందం ఆసక్తికర అప్‌డేట్‌ పంచుకుంది. ప్రజల్లో వీరిద్దరి కలయికపై సినిమా అంటే భారీగా అంచనాలుంటాయి.
‘ఎస్‌ఎస్‌ఎంబీ28’గా వస్తున్న ఈ సినిమాను 2023 ఏప్రిల్‌ 28న ప్రేక్షకుల ముందుకు తీసుకురానున్నట్లు ప్రకటించారు. వచ్చే ఏడాది వేసవికి ఈ సినిమా విడుదల చేయనున్నట్లు చిత్ర బృందం తెలిపింది. ‘అతడు’, ‘ఖలేజా’ తర్వాత మహేష్ - త్రివిక్రమ్ కలయికలో రూపొందుతున్న తాజా చిత్రాన్ని హారిక హాసిని క్రియేషన్స్‌ సంస్థ నిర్మిస్తోంది. పూజాహెగ్డే కథానాయిక.