Kalyan Ram Devil Movie Sequence :టాలీవుడ్ స్టార్ హీరో కల్యాణ్ రామ్ తాజాగా 'డెవిల్' అనే సస్పెన్స్‌ థ్రిల్లర్తో ప్రేక్షకుల ముందుకొచ్చారు. భారీ అంచనాల నడుమ ఈ సినిమా శుక్రవారం (డిసెంబర్ 29)న థియేటర్లలోకి విడుదలైంది. ప్రస్తుతం ఈ సినిమా అంతటా పాజిటివ్ టాక్ అందుకుని సందడి చేస్తోంది. ఈ సందర్భంగా మూవీ టీమ్ హైదరాబాద్‌లో సక్సెస్ సెలబ్రేషన్స్ చేసుకుంది. ఇందులో పాల్గొన్న హీరో కల్యాణ్రామ్ తన కో స్టార్స్తో పాటు చిత్రబృందానికి విషెస్ తెలిపారు. వారి కృషి వల్లే ఈ ప్రాజెక్ట్ సక్సెస్ అయ్యిందంటూ అభినందించారు. ఈ నేపథ్యంలోనే మూవీ సీక్వెల్ గురించి కూడా అప్డేట్ ఇచ్చేశారు.
"డెవిల్ 2ను తెరకెక్కించాలన్నఆలోచన మాకు ఎప్పటి నుంచో ఉంది. కారైకుడిలో ఈ సినిమా షూటింగ్ జరుగుతున్నప్పుడే మూవీ రైటర్ శ్రీకాంత్‌ విస్సా 'డెవిల్ 2' ఐడియాను చెప్పారు. అది నాకు ఎంతో ఇంట్రెస్టింగ్గా అనిపించింది. 2024-25లో ఈ ప్రాజెక్ట్ను సెట్స్పైకి తీసుకొచ్చే అవకాశాలు ఉన్నాయి. ఇందులో 1940తో పాటు ప్రస్తుతం ఉన్న కాలాన్ని కూడా చూపించనున్నాం" అంటూ కల్యాణ్ రామ్ సీక్వెల్ అప్డేట్ గురించి మాట్లాడారు.
స్టోరీ ఏంటంటే ?
1940ల్లో జ‌రిగే క‌ల్పిత క‌థ ఇది. నాటి బ్రిటిష్ ప్రభుత్వం భారత స్వాతంత్ర్య స‌మ‌ర‌యోధుడు సుభాష్ చంద్ర‌బోస్‌ని ప‌ట్టుకోవాల‌నే ప్ర‌య‌త్నంలో ఉంటుంది. హీరో డెవిల్ (కల్యాణ్రామ్) బ్రిటిష్ ప్ర‌భుత్వంలో సీక్రెట్ ఏజెంట్గా పనిచేస్తున్న సమయంలోనే బోస్ రాక గురించి ప్రభుత్వానికి స‌మాచారం అందుతుంది. ర‌స‌పురంలోని జ‌మిందార్ ఇంట్లో జ‌రిగిన ఓ హ‌త్య కేసుని ఛేదించ‌డానికి ప్రభుత్వం డెవిల్ని పంపుతుంది.