Dilraju Nithin Movie : టాలీవుడ్‌ హీరో నితిన్ తన కొత్త సినిమాను అనౌన్స్ చేశారు. దాన్ని సెట్స్పైకి తీసుకెళ్లారు. 'వకీల్ సాబ్' ఫేమ్ దర్శకుడు వేణు శ్రీరామ్తో ఈ చిత్రం చేయబోతున్నారు. ఈ మూవీ పూజా కార్యక్రమాలతో హైదరాబాద్‌లో లాంఛనంగా ప్రారంభమైంది. ఈ ఈవెంట్కు మూవీటీమ్తో పాటు దర్శకులు వంశీ పైడిపల్లి, అనిల్ రావిపూడి సహా మరి కొందరు హాజరయ్యారు.
శ్రీ వెంకటేశ్వర క్రియేషన్స్ బ్యానర్పై దిల్ రాజు ఈ చిత్రాన్ని నిర్మిస్తున్నారు. ఈ సినిమాకు పవర్ స్టార్ పవన్ కల్యాణ్ సూపర్ హిట్ మూవీ 'తమ్ముడు' టైటిల్‌ను ఫిక్స్ చేశారు. ఈ విషయాన్ని హీరో నితిన్ సోషల్ మీడియా వేదికగా తెలిపారు.. 'కొన్ని టైటిల్స్ ఎంతో బాధ్యతను పెంచేలా వస్తాయి. ఈ సినిమా మీ అంచనాలను మించేలా ఉంటుంది. నా కొత్త సినిమా వేణు శ్రీరామ్, దిల్ రాజు గారితోనే' అంటూ రాసుకొచ్చారు.
కాగా, పవన్ కల్యాణ్కు నితిన్ వీరాభిమాని అన్న సంగతి తెలిసిందే. కాబట్టి ఇప్పుడు పవన్ టైటిల్ 'తమ్ముడు'తోనే(nithin pawankalyan) వస్తుండడం వల్ల సినిమాపై అప్పుడే అంచనాలు మొదలైపోయాయి. ప్రస్తుతం ఈ మూవీ ప్రీ ప్రొడక్షన్ వర్క్ జరుగుతున్నాయని తెలిసింది. త్వరలోనే అన్నీ పూర్తి చేసుకుని రెగ్యూలర్ షూటింగ్ ప్రారంభిస్తారని సమాచారం అందింది. త్వరలోనే సినిమాలో నటించే నటీనటులు, ఇతర టెక్నీషియన్ల వివరాలను తెలియజేయనున్నారు.