తెలుగు దిగ్గజ డైరక్టర్ కే రాఘవేంద్ర రావు పర్యవేక్షణలో వచ్చిన 'పెళ్లి సందడి' సినిమాతో తెలుగులోకి ఎంట్రీ ఇచ్చింది శ్రీలీల. తాజాగా ఈ అమ్మడు తల్లి, స్వర్ణలతపై కేసు నమోదైంది. ఈ మేరకు పోలీసులు వివరాలు వెల్లడించారు.
శ్రీలీల తండ్రి సుభాకర్ రావు ఫిర్యాదు మేరకు.. ఆమె తల్లిపై అడుగోడి పోలీస్ స్టేషన్లో కేసు నమోదైంది. సుభాకర్ రావు, స్వర్ణలత గత 20 ఏళ్లుగా విడిగా జీవిస్తున్నారని పోలీసులు తెలిపారు. వీరిద్దరి విడాకుల పిటిషన్పై కోర్టులో విచారణ కొనసాగుతోంది. అయితే అక్టోబర్ 3న కొరమంగళలో ఉన్న తన అపార్ట్మెంట్లోకి స్వర్ణలత తాళం పగులగొట్టి వెళ్లిందని సుభాకర్ రావు ఆరోపించారు. దీనిపైనే తాజాగా పోలీసులకు ఫిర్యాదు చేశారు.
కాగా, స్వర్ణలతపై మరో కేసు కూడా ఉంది. అలియన్స్ యూనివర్సిటీ కాంట్రవర్సీలో అనేకల్ పోలీస్ స్టేషన్లో ఏ2గా కేసు నమోదైంది. ప్రస్తుతం స్వర్ణలత బెయిల్పై ఉంది. అయితే ఈ కేసులో తదపరి విచారణ కొనసాగిస్తున్నామని పోలీసులు తెలిపారు.