Animal Movie Twitter Review : 'కబీర్ సింగ్' తర్వాత డైరెక్టర్ సందీప్ రెడ్డి వంగా తెరకెక్కించిన లేటెస్ట్ మూవీ 'యానిమల్'. రణ్బీర్ కపూర్, రష్మిక మందన్న లాంటి స్టార్స్తో రూపొందించిన ఈ చిత్రం పాన్ ఇండియా లెవెల్లో శుక్రవారం థియేటర్లలో విడుదలైంది. ఇప్పటికే ప్రీమియర్స్ చూసిన ఆడియెన్స్ సోషల్ మీడియా ద్వారా తమ అభిప్రాయాలను తెలియజేస్తున్నారు. ఇంతకీ ఈ మూవీ ఎలా ఉందంటే ?
ప్రస్తుతం ఈ సినిమాకు ఓ రేంజ్ రెస్పాన్స్ వస్తోంది. సినిమా చూసిన ప్రతి ఒక్కరు గూస్బంప్స్ గ్యారెంటీ అని అంటున్నారు. ఇది ఒక పక్కా యాక్షన్ మూవీ అని.. ఈ సినిమాకు రణ్బీర్ కపూర్ యాక్టింగ్ ప్లస్ పాయింట్ అంటూ ఆయనపై ప్రశంసల జల్లును కురిపిస్తున్నారు. మరోవైపు డైరెక్షన్ బాగుందని.. సినిమాకు బ్యాక్గ్రౌండ్ స్కోర్ హైలైట్ అని మరికొందరు కామెంట్లు పెడుతున్నారు. కేవలం ఎంటర్‌టైన్‌మెంట్ మాత్రమే కాకుండా ఇందులో అందర్నీ ఆకట్టుకొనే ఎలిమింట్స్ చాలా ఉన్నాయని అని ఓ నెటిజన్ తన అభిప్రాయాన్ని వ్యక్తం చేశారు.
ఇది ఒక మాస్టర్ పీస్ మూవీ అని.. బంధాలు, అనుబంధాల ఆధారంగా వచ్చిన సినిమాల్లో మైలురాయిగా నిలిచే సినిమా అంటూ మరో నెటిజన్ రాసుకొచ్చారు. 3.21 గంటల సినిమా అంటూ నిడివిని ప్రశ్నించే ప్రేక్షకులకు.. ఈ సినిమా అన్నీ సమాధానాలు చెప్తుందని అంటున్నారు. ప్రతీ సీన్ గూస్బంప్స్ తెప్పించిందని.. రాగింగ్ ఎపిసోడ్ కేక పెట్టించిందంటూ మరో నెటిజన్ అభిప్రాయపడ్డారు.