11 రాష్ట్రాలు, ఒక కేంద్రపాలిత ప్రాంతలోని మొత్తం 95 లోక్సభ స్థానాలకు సార్వత్రిక ఎన్నికల రెండో విడత పోలింగ్ ప్రారంభమైంది. 1600 మందికి పైగా అభ్యర్థుల భవితవ్యాన్ని 15.79 కోట్ల మంది ఓటర్లు ఈవీఎంలలో నిక్షిప్తం చేయనునున్నారు.
ఛత్తీస్గఢ్ నక్సల్స్ ప్రభావిత ప్రాంతాల్లోనూ పోలింగ్ ప్రారంభమైంది. ఓటర్లకు ఎటువంటి ఇబ్బంది కలగకుండా అన్ని ఏర్పాట్లు చేసింది ఈసీ. సమస్యాత్మక ప్రాంతాలపై ప్రత్యేక దృష్టిసారించింది.
తమిళనాడులో 38 లోక్సభ స్థానాలకు పోలింగ్ జరుగుతోంది. 18 అసెంబ్లీ స్థానాలకు ఉపఎన్నికల పోలింగ్ నిర్వహిస్తున్నారు. ఒడిశాలోని 35 అసెంబ్లీ స్థానాలకు పోలింగ్ జరుగుతోంది.
రెండో దశ పోలింగ్లో లోక్సభకు ప్రముఖులు బరిలో ఉన్నారు. కేంద్రమంత్రులు జితేంద్ర సింగ్, సదానంద గౌడ, పొన్ రాధాకృష్ణ, కర్ణాటక నుంచి మాజీ ప్రధాని హెచ్ డి దేవగౌడ, తమిళనాడు నుంచి ఏ రాజా, కనిమొళి పోటీలో ఉన్నారు.
మొత్తం ఏడు దశల్లో జరగనున్న సార్వత్రిక ఎన్నికలు మే 19న తుది దశ పోలింగ్తో ముగుస్తాయి. మే 23న ఫలితాలు వెలువడనున్నాయి.