పటేల్​నగర్​లో గంజాయి విక్రయిస్తున్న ఇద్దరు అరెస్ట్​

గంజాయి విక్రయిస్తున్న ఇద్దరిని మధ్యమండలం టాస్క్​ఫోర్స్ పోలీసులు అరెస్టు చేశారు. హైదరాబాద్​లోని గాంధీభవన్ వెనుకనున్న పటేల్​నగర్​లో​ గంజాయి అమ్ముతున్నారన్న సమాచారంతో దాడి చేశారు. ఇద్దరిని అరెస్టు చేసి వారి నుంచి 1.5 కిలోల గంజాయి స్వాధీనం చేసుకున్నారు.

హైదరాబాద్​లోని గాంధీభవన్​ సమీపంలోని పటేల్​నగర్​లో గంజాయి విక్రయిస్తున్న ఇద్దరిని పోలీసులు అరెస్టు చేశారు వారి నుంచి 1.5 కిలోల గంజాయి, ద్విచక్రవాహనం, రెండు చరవాణులు స్వాధీనం చేసుకున్నారు.

గంజాయి అమ్ముతున్నారన్న సమాచారంతో దాడులు చేసిన పోలీసులు... ఆనంద్ సింగ్, గోపాల్ వర్మ అనే ఇద్దరిని అరెస్టు చేశారు. నిందితులిద్దరినీ బేగంబజార్ పోలీసులకు అప్పగించారు. జల్సాలకు అలవాటు పడి గంజాయి విక్రయిస్తున్నారని పోలీసులు తెలిపారు.

ఇదీ చూడండి:విషాదం.. సెల్ఫీ తీసుకుంటుండగా యువకుడు మృతి