విషాదం: ఇద్దరు పిల్లలతో సహా నిప్పంటించుకున్న తల్లి

ఏం కష్టం వచ్చిందో ఆ తల్లికి.. ఆత్మహత్య చేసుకోవాలనుకుంది. నవమాసాలు మోసిన కన్నపిల్లలను కూడా తనతో పాటే తీసుకెళ్లాలనుకుంది. తను పోయాక పిల్లలను ఆదరించేవారు లేక కష్టపడతారనుకుందేమో..? పిల్లలతో పాటు తల్లి బలవర్మరణానికి పాల్పడింది. ఈ ఘటన ఏపీలోని నెల్లూరు జిల్లా ఆత్మకూరు మండలం నెల్లూరుపాలెం సమీపంలో చోటు చేసుకుంది.

ఆంధ్రప్రదేశ్‌లోని నెల్లూరు జిల్లా ఆత్మకూరు మండలం నెల్లూరుపాలెం సెంటర్​లో విషాదం జరిగింది. జిల్లాకు చెందిన సుబ్బులు అనే మహిళ తన ఇద్దరు పిల్లలతో కలిసి.. పెట్రోలు పోసుకుని నిప్పంటించుకుంది. ఈ ఘటనలో తల్లి సుబ్బులు(27), కుమార్తె మధురవాణి (5) మృతి చెందారు.

నిప్పు చూసి భయంతో పారిపోయి వచ్చిన కుమారుడు మహేశ్​ ఇచ్చిన సమాచారంతో విషయం వెలుగులోకి వచ్చింది. అతనికి గాయాలయ్యాయి. ఘటనకు గల కారణాలు తెలియాల్సి ఉంది.

ఇదీ చదవండి:నోములలో విషాదం.. పిడుగుపాటుకు 2 ఎడ్లు మృతి