సామాజిక మాధ్యమాల్లో మహిళ పేరుతో అభ్యంతరకర సందేశాలు పంపుతున్న వ్యక్తిని రాచకొండ సైబర్ క్రైం పోలీసులు అరెస్టు(Arrest) చేశారు. అతని వద్ద నుంచి చరవాణి స్వాధీనం చేసుకున్నారు. సైదాబాద్‌ మాదన్నపేట్‌కు చెందిన చిన్న వెంకన్న రాజశేఖర్‌రెడ్డి ఓ మహిళ పేరులో నకిలీ ఇన్‌స్టాగ్రామ్‌, ఫేస్బుక్ ఖాతాలు తెరిచాడు. వాటిలో బాధితురాలి మార్ఫింగ్ ఫొటోలు పోస్టు చేశాడు.
Arrest: నకిలీ ఇన్స్టా ఖాతాలో మహిళకు వేధింపులు, వ్యక్తి అరెస్ట్
ఈ మధ్య సామాజిక మాధ్యమాల్లో మహిళలకు వేధింపులు ఎక్కవయ్యాయి. తాజాగా మాదన్నపేట్‌కు చెందిన చిన్న వెంకన్న రాజశేఖర్‌రెడ్డి ఓ మహిళ పేరులో నకిలీ ఇన్‌స్టాగ్రామ్‌, ఫేస్బుక్ ఖాతాలు తెరిచాడు. అందులో బాధితురాలి మార్ఫింగ్ ఫొటోలు పెట్టి వేధించాడు. మహిళ ఫిర్యాదుతో రంగంలోకి దిగిన పోలీసులు నిందితుడిని అరెస్ట్(Arrest) చేశారు.
అరెస్ట్, సైబర్ క్రైమ్
మహిళ పేరుతో అభ్యంతరక సందేశాలు ఆమె స్నేహితులు, కుటుంబ సభ్యులకు పంపాడు. బాధితురాలి ఫిర్యాదుతో రంగంలోకి దిగిన సైబర్ క్రైం పోలీసులు దర్యాప్తు చేపట్టారు. రాజశేఖర్‌ ఆ మహిళకు పరిచయస్తుడని... ఆమెకు తెలియకుండా కొన్ని ఫోటోలు చరవాణి ద్వారా తీసుకున్నాడని విచారణలో తేలింది. కొద్ది రోజుల తర్వాత అతనితో మహిళ మాట్లాడడం మానేసింది. ఆమెపై కక్ష పెంచుకొన్న అతను అసభ్య సందేశాలు పంపినట్టు పోలీసులు గుర్తించారు.
ఇదీ చదవండి:CP Anjani kumar: జోకర్‌ మాల్‌వేర్‌ ఓపెన్ చేస్తే అంతే సంగతులు