హైదరాబాద్ శివారులో దారుణం... అనుమానాస్పద స్థితిలో బాలిక మృతి మేడ్చల్ జిల్లా ఘట్కేసర్‌లో దారుణం జరిగింది. బాహ్యవలయ రహదారి పక్కన ఓ బాలిక (17) అనుమానాస్పద స్థితిలో మృతి చెందింది. ఉదయపు నడకకు వెళ్లిన కొందరు వ్యక్తులు కాలిపోయిన స్థితిలో ఉన్న మృతదేహం చూసి పోలీసులకు సమాచారం ఇచ్చారు. మృతురాలు పోచారం మున్సిపాలిటీ రాజీవ్ గృహకల్ప కాలనీకి చెందిన స్రవంతిగా పోలీసులు గుర్తించారు.
బాలిక అర్ధరాత్రి వరకు ఇంట్లో ఉందని తల్లిదండ్రులు చెబుతున్నారు. ఈ ఏడాదే పదో తరగతి ఉత్తీర్ణురాలైంది. రాత్రి తల్లితో గొడవపడినట్లు పోలీసుల విచారణలో తెలిసింది. బాలికను హత్య చేసి పెట్రోల్ పోసి తగులబెట్టారా.. లేదంటే ఆత్మహత్యా అనే కోణంలో విచారణ చేస్తున్నామని పోలీసులు తెలిపారు. ఘటనా స్థలిలో యువతి ఫోన్ లభ్యమైనట్లు ఘట్‌కేసర్ సీఐ చంద్రబాబు తెలిపారు. ఆ బాలిక ఫోన్ ద్వారా వివరాలు సేకరించినట్లు చెప్పారు.
ఇదీ చూడండి:ఎదురెదురుగా రెండు కార్లు ఢీ... నలుగురు దుర్మరణం
