ఆకట్టుకున్న మ్యూజిక్, డాన్స్ ఫెస్టివల్

మహిళా దినోత్సవం సందర్భంగా హైదరాబాద్​ రవీంద్రభారతిలో నిర్వహించిన మ్యూజిక్, డాన్స్ ఫెస్టివల్ వీక్షకులను ఎంతగానో ఆకట్టుకుంది. తెలుగు రాష్ట్రాల నుంచి 250 మంది కళాకారులు ఈ ప్రదర్శనలో పాల్గొన్నారు.

ఆర్.కె. కళా సాంస్కృతిక ఫౌండేషన్ ఆధ్వర్యంలో... అంతర్జాతీయ మహిళా దినోత్సవ వేడుకలు హైదరాబాద్​లో వినూత్నంగా జరిగాయి. మ్యూజిక్, డాన్స్ ఫెస్టివల్ పేరిట రవీంద్రభారతిలో ఈ కార్యక్రమం జరిగింది. తెలుగు రాష్ట్రాల నుంచి 250 మంది కళాకారులు పాల్గొన్నారు. ఉదయం 9గంటల నుంచి సాయంత్రం ఐదు గంటల వరకు నిరంతరాయంగా.. చిన్నారులు వివిధ సాంస్కృతిక కార్యక్రమాలు చేసి చూపరులను ఆకట్టుకున్నారు.

ప్రైమ్ వరల్డ్ రికార్డ్స్ కోసం ఈ ప్రయత్నం చేసినట్లు పౌండేషన్ అధ్యక్షుడు డాక్టర్ రంజిత్ తెలిపారు. భారతీయ సంస్కృతి , సంప్రదాయాలను విశ్వవ్యాప్తం చేసేందుకు.. చిన్నారుల్లో ఉన్న ప్రతిభను వెలికి తీసేందుకు ఈ కార్యక్రమం నిర్వహించినట్లు పేర్కొన్నారు.

ఇవీ చూడండి:ఆకాశంలో వింతదృశ్యం.. దుమ్మురేపుతున్న భానుడు!