మోటొరోలా భారతదేశంలో కొత్త బడ్జెట్ స్మార్ట్ఫోన్ ఈ40ని విడుదల చేసింది. ఇందులో హెచ్డీ ప్లస్‌ ఐపీఎస్ ఎల్‌సీడీ, 90Hz డిస్‌ప్లేను పొందుపరిచారు. ఈ ఫోన్ ఆండ్రాయిడ్‌ 11తో విడుదలైంది. యునిసోక్‌ టీ 700 ప్రాసెసర్‌ను ఏర్పాటు చేశారు. దీని ధర ఇంచుమించు రూ.10,000గా ఉండనుంది. ఫోన్ రెండు వేరియంట్‌ల(కార్బన్ గ్రే, పింక్ క్లే రంగులు)లో లభించనుంది. ఈ స్మార్ట్ఫోన్ అక్టోబర్ 17 ఉదయం 12 గంటల నుంచి ఫ్లిప్‌కార్ట్‌లో కొనుగోళ్లకు అందుబాటులో ఉంటుంది.
మార్కెట్లోకి కొత్త ఫోన్ వచ్చేసింది గురూ!
ప్రముఖ స్మార్ట్ఫోన్ల తయారీ సంస్థ మోటొరోలా భారత మార్కెట్లోకి తన కొత్త మోడల్ ఈ40 ఫోన్‌ను విడుదల చేసింది. గతవారమే యూరప్ మార్కెట్లోకి విడుదలైన ఈ40.. స్మార్ట్ఫోన్ ప్రియులను విపరీతంగా ఆకట్టుకుంటోంది. ఆ ఫోన్ ధర, ఫీచర్స్ వివరాలు మీకోసం..
moto e 40
ఫీచర్స్:
- 4జీబీ ర్యామ్‌
- 64జీబీ ఇంటర్నల్‌ స్టోరేజ్‌
- 5,000ఎంఏహెచ్ బ్యాటరీ
- ట్రిపుల్ కెమెరా- 48ఎంపీ
- ఫ్రంట్ కెమెరా- 8ఎంపీ
- 6.5 ఇంచ్ హెచ్డీ+ ఐపీఎస్ ఎల్‌సీడీ డిస్‌ప్లే
- ఫింగర్ ప్రింట్ సెన్సార్
- ఫోన్ కొలతలు 165.1 × 75.6 × 9.1 మిమీ
- బరువు 198 గ్రాములు
ఇదీ చూడండి:స్టాక్ మార్కెట్లకు లాభాలు- కొత్త గరిష్ఠానికి నిఫ్టీ