గ్రేటర్ హైదరాబాద్ మున్సిపల్ కార్పొరేషన్ ఎన్నికల్లో కారు గుర్తుకు ఓటేయాల్సిందిగా ఎమ్మెల్సీ కల్వకుంట్ల కవిత కోరారు. ఈ మేరకు ప్రత్యేక వీడియో సందేశం ద్వారా ప్రజలకు విజ్ఞప్తి చేశారు. ఆరేళ్ల క్రితం హైదరాబాద్కు, ఇప్పటి హైదరాబాద్కు ఎంతో పురోగతి ఉందన్న కవిత.. భాగ్యనగరం ఇదే అభివృద్ధిని కొనసాగించేందుకు ఈ నాయకత్వాన్ని ఇలాగే కొనసాగించే బాధ్యత నగర ప్రజలపై ఉందన్నారు.
హైదరాబాద్ నగరం వరుసగా ఐదేళ్లగా భారతదేశంలో బెస్ట్ సిటీగా ఉందని మర్సర్ వంటి అంతర్జాతీయ ఏజెన్సీలు ప్రకటించిన విషయాన్ని గుర్తు చేశారు. ఇలాంటి ర్యాంకులు, గొప్ప పరిస్థితులు కేవలం మాటలతో రావని.. ఎంతో కష్టపడితే మాత్రమే సాధ్యమవుతాయని స్పష్టం చేశారు.