తెదేపా పొలిట్ బ్యూరో సభ్యుడు, హిందూపురం ఎమ్మెల్యే నందమూరి బాలకృష్ణ(Nbk)కు తెలుగుదేశం అధినేత చంద్రబాబు (Cbn)జన్మదిన శుభాకాంక్షలు తెలిపారు. "నటునిగా అసంఖ్యాక అభిమానులను పొందిన వెండితెర కథానాయకుడు నందమూరి బాలకృష్ణ ప్రజల ఆశీర్వాద బలం, కీర్తి సంపదల తోడుగా నిండు నూరేళ్లూ ఆరోగ్య ఆనందాలతో జీవించాలని మనసారా కోరుకుంటున్నా." అని ట్విట్టర్లో పేర్కొన్నారు.
మీ నిస్వార్థ ప్రేమే మాకు ఆదర్శం: లోకేశ్
మావయ్యకి పుట్టినరోజు శుభాకాంక్షలని తెదేపా జాతీయ ప్రధాన కార్యదర్శి నారా లోకేశ్ (Nara lokesh) ట్వీట్ చేశారు. కథానాయకునిగా సినీ అభిమానులకు, హిందూపురం ఎమ్మెల్యేగా ప్రజలకు, బసవతారకం క్యాన్సర్ ఆసుపత్రి ఛైర్మన్గా ఆపదలో ఉన్న ప్రతి ఒక్కరికీ నిస్వార్థ ప్రేమను పంచుతున్న మీ ఔదార్యం మాకు ఆదర్శం. మీరిలాంటి పుట్టినరోజులు మరెన్నో జరుపుకుంటూ అభిమానులు నిత్య సంబరాలు చేసుకునేలా మరెన్నో చిత్రాల్లో, విభిన్న పాత్రల్లో నటించాలని, నిండు నూరేళ్లూ వర్ధిల్లేలా మిమ్మల్ని దీవించమని ఆ దేవుని కోరుకుంటున్నా... అని పేర్కొన్నారు.