చాట్జీపీటీకి పోటీగా గూగుల్ కొత్తగా ప్రవేశపెట్టిన ఏఐ చాట్బాట్ బార్డ్ ఆ సంస్థను చిక్కుల్లో పడేసింది. అది చేసిన ఓ తప్పిదం.. గూగుల్ మాతృసంస్థ ఆల్ఫాబెట్కు సుమారు 100 బిలియన్ డాలర్లకు పైగా నష్టాన్ని తెచ్చిపెట్టింది. గూగుల్.. ప్రయోగాత్మక దశలో ఉన్న బార్డ్ ఏఐ సర్వీస్ను వీలైనంత త్వరగా మార్కెట్లోకి తీసుకుని రావాలనే లక్ష్యంతో ఉంది. ఇందులో భాగంగా ఇటీవల రిలీజ్ చేసిన ప్రమోషనల్ వీడియోలో ఈ బార్డ్ తప్పుడు సమాచారం ఇచ్చింది.
సుందర్ పిచాయ్కు బిగ్ షాక్.. రోబో చేసిన చిన్న మిస్టేక్తో 100 బిలియన్ డాలర్లు నష్టం
గూగుల్ ఇటీవల రూపొందించిన కొత్త ఏఐ చాట్బాట్ 'బార్డ్' కొంపముంచింది. అది చేసిన ఓ చిన్న తప్పిదం వల్ల గూగుల్ మాతృసంస్థకు దాదాపు 100 బిలియన్ డాలర్ల భారీ నష్టాన్ని తెచ్చిపెట్టింది. అసలేం జరిగిందంటే..?
కొంపముంచిన గూగుల్ కొత్త ఏఐ ఛాట్బాట్ బార్డ్
సౌర వ్యవస్థకు అవతల ఉన్న గ్రహాన్ని గుర్తించి ఫొటోలు తీసిన తొలి శాటిలైట్ ఏంటనే విషయంపై గూగుల్ చాట్బాట్ బార్డ్ తప్పుడు జవాబు చెప్పింది. గూగుల్ ఏఐ చాట్బాట్ బార్డ్.. జేమ్స్ వెబ్ స్పేస్ టెలిస్కోప్ మొట్టమొదటి చిత్రాన్ని తీసిందని సమాధానం ఇచ్చింది. అయితే ఈ జేమ్స్ వెబ్ స్పేస్ను ఇటీవలే 2021లో ప్రయోగించారు. ప్యారిస్లో బార్డ్ లాంచ్ ఈవెంట్కు కొన్ని గంటల ముందు రాయిటర్స్ ఏజెన్సీ ఈ తప్పును గుర్తించింది. దీనివల్ల బార్డ్ పనితీరుపై అనుమాలు వ్యక్తం అవుతున్నాయి. దీంతో అల్ఫాబెట్ షేర్లు 9శాతం పడిపోయి.. గూగుల్ మాతృసంస్థ భారీగా నష్టపోయింది.