దక్షిణ కొరియాకు చెందిన ఎలక్ట్రానిక్ దిగ్గజం శాంసంగ్... భారత మార్కెట్లోకి బడ్జెట్ ఫోన్ను తీసుకురానుంది. గెలాక్సీ ఏ10 ఎస్ పేరుతో మార్కెట్లోకి రానుంది ఈ కొత్త ఫోన్. కొత్త మోడల్ ఫీచర్లపై కంపెనీ ఎలాంటి ప్రకటన చేయలేదు. అయితే ఇటీవలే లీకైన కొన్ని ఫీచర్లు అంతర్జాలంలో హల్ చల్ చేస్తూ ఫోన్పై అంచనాలు పెంచుతున్నాయి.
రెడ్ మీ 7, రియల్ మీ 3 స్మార్ట్ ఫోన్లకు పోటీగా శాంసంగ్ గెలాక్సీ ఏ10 ఎస్ను తీసుకురానున్నట్లు తెలుస్తోంది. ధరతో పాటు ఫీచర్ల విషయంలోనూ ఈ ఫోన్లకు పోటీ ఇవ్వనుంది. 2 జీబీ ర్యామ్/16 జీబీ రోమ్, 3 జీబీ ర్యామ్/32 జీబీ రోమ్ రెండు వేరియంట్లతో ఈ మోడల్ మార్కెట్లోకి వచ్చే అవకాశం ఉంది. ఈ ఫోన్ ధర రూ.8,990గా ఉండొచ్చని అంచనా. వచ్చే నెలలో ఈ కొత్త ఫోన్ విడుదలయ్యే అవకాశం ఉంది.