ప్రభుత్వ రంగ టెలికాం దిగ్గజం బీఎస్ఎన్ఎల్ బ్రాడ్ బ్యాండ్ వార్షిక క్యాష్ బ్యాక్ ఆఫర్లను సవరించింది. రూ.499 బ్రాడ్ బ్యాండ్ కనెక్షన్ ఉన్న వినియోగదార్లకు ఉచిత అమెజాన్ ప్రైమ్ సభ్యత్వం ఇవ్వనుంది. ఇంతకుముందు రూ.745 కన్నా ఎక్కువ ధర ప్లాన్లో ఉన్న వినియోగదారులకు మాత్రమే ఈ ఆఫర్ ఇచ్చేది బీఎస్ఎన్ఎల్.
మరిన్ని ఆఫర్లు ఇవే...
రూ.499 లోపు బ్రాడ్ బ్యాండ్ ప్లాన్లో ఉన్న వారికి ఉచితంగా అమెజాన్ ప్రైమ్ సభ్యత్వంతో పాటు 15 శాతం క్యాష్ బ్యాక్ ఆఫర్ ప్రకటించింది బీఎస్ఎన్ఎల్. రూ.499 నుంచి రూ.900 ప్లాన్లో ఉన్న వారికి 20 శాతం క్యాష్ బ్యాక్, రూ. 900లకు పైగా ప్లాన్లో ఉన్న వినయోగదార్లకు 25 శాతం క్యాష్ బ్యాక్ ఇస్తున్నట్లు తెలిపింది.
బీఎస్ఎన్ఎల్ డీఎస్ఎల్, భారత్ ఫైబర్, బీబీఓ వైఫై వినియోగిస్తున్న పాత వినియోగదార్లకు, కొత్తగా కనెక్షన్ తీసుకునే వారికి కూడా ఈ ఆఫర్ వర్తిస్తుందని ఆ సంస్థ తెలిపింది.
ఇదీ చూడండి: సగం ధరకే అమెజాన్ ప్రైమ్ సబ్స్క్రిప్షన్!