రూ.100 నోట్ల ఉపసంహరణ.. ఎప్పటినుంచో తెలుసా?

మార్చి నుంచి పాత రూ.100 నోట్లను ఉపసంహరించుకోనున్నట్లు ఆర్​బీఐ వెల్లడించింది. అయితే ఎవరూ భయపడాల్సిన అవసరం లేదని.. కొత్త రూ.100 నోట్లు మాత్రమే చలామణిలో ఉంచేందుకే ఈ నిర్ణయం తీసుకున్నట్లు తెలిపారు.

ఈ ఏడాది మార్చి నుంచి పాత రూ.100 కరెన్సీ నోట్లను ఉపసంహరించుకోనున్నట్లు భారతీయ రిజర్వు బ్యాంకు(ఆర్​బీఐ) అధికారులు తెలిపారు. కొత్త రూ.100 నోట్లు మాత్రమే చలామణిలో ఉంచేందుకే ఈ చర్యకు ఉపక్రమించనున్నట్లు ఆర్​బీఐ అసిస్టెంట్​ జనరల్ మేనేజర్​ మహేశ్​.. వెల్లడించారు.

కర్ణాటక మంగుళూరులో నిర్వహించిన బ్యాంకుల భద్రత నగదు నిర్వహణ సమావేశంలో మాట్లాడిన మహేశ్​.. పాత రూ.100 నోటుల్లో నకిలీ నోట్లు అధికంగా ఉన్నట్లు గుర్తించామన్నారు. అందుకే పాత సిరీస్​ను(మహాత్మా గాంధీ సిరీస్) ఉపసంహరించుకోనున్నట్లు తెలిపారు. ఆర్​బీఐ గత ఆరు నెలలుగా పాత రూ.100 నోట్లు ప్రింటింగ్ నిలిపివేసిందన్న ఆయన.. ఎవరూ భయపడాల్సిన అవసరం లేదన్నారు.​

ఇదీ చూడండి:ఎలాన్​ మస్క్ రూ.730 కోట్ల బహుమతి- ఎవరికంటే?