కరోనా సంక్షోభం ప్రభావం... 2008 మాంద్యానికి మించి ఉంటుందా? అనే ప్రశ్నకు 70శాతం వ్యాపారవేత్తలు అవుననే సమాధానమిచ్చినట్టు ఓ అధ్యయనం వెల్లడించింది. బడ్జెట్, సరఫరా, ఉద్యోగుల లభ్యత, వినియోగదారుల సాన్నిహిత్యంపై కరోనా ప్రభావం భారీగా పడిందని అధ్యయనం పేర్కొంది.
'నోవేర్ టు హైడ్: ఎంబ్రేసింగ్ ది మోస్ట్ సీస్మిక్ టెక్నలాజికల్ అండ్ బిజినెస్ ఛేంజ్ ఇన్ అవర్ లైఫ్ టైమ్' పేరుతో హెచ్ఎఫ్ఎస్ రీసర్చ్, ఇన్ఫోసిస్ ఓ సంయుక్త అధ్యయనం చేపట్టాయి. మొత్తం 400 మంది గ్లోబల్, 2000 మంది ఎగ్జిక్యూటివ్లపై ఈ అధ్యయనం చేశాయి. కరోనా సంక్షోభంలో పనిచేయాలంటే వర్క్ ఫ్రం హోం వంటి సదుపాయాలపైనే 51శాతం సంస్థలు మొగ్గుచూపుతున్నట్టు పేర్కొన్నాయి.
అదే సమయంలో.. క్లౌడ్, సైబర్సెక్యూరిటీ, మోడర్నైజేషన్తో డిజిటల్ వ్యాపార మోడళ్లకు శక్తి లభిస్తుందని, ఐటీ ఖర్చులు పెరుగుతాయని అధ్యయనంలో తేలింది.
మరిన్ని అంశాలు....
- కస్టమర్లను అకర్షించేందుకు, వారికి త్వరితగతిన సేవలు అందించేందుకు అనేక సంస్థలు ఆటోమేషన్, డిజిటల్ బిజినెస్ మోడళ్లను అవలంభించాయి.
- కరోనా సంక్షోభంతో కొత్త అవకాశాలు లభించాయని, పెట్టుబడులు వస్తాయని ప్రభుత్వ రంగ సంస్థలు, బ్యాంకింగ్, భీమా సంస్థలు, హైటెక్ పరిశ్రమల వ్యాపారులు ధీమా వ్యక్తం చేశారు.
- దాదాపు 60 శాతం వ్యాపార సంస్థలు డిజిటల్ విధానంలో కార్యకలాపాలను వేగవంతం చేసేందుకు యోచించగా, దాదాపు 70 శాతం సంస్థలు వినియోగదారుల కోసం.. తమ వస్తు ఉత్పత్తిని, వస్తు సేవలను మార్చేందుకు ప్రణాళిక రచిస్తున్నాయి.
- కరోనా తర్వాత ఆఫీసుకు వెళ్లేందుకు కేవలం 37శాతం మందే మొగ్గుచూపుతున్నారు.
ఇదీ చదవండి:బీమా పత్రాలకు ధీమానిచ్చే ఈ-ఇన్సూరెన్స్
