కరోనా మహమ్మారి సృష్టించిన సంక్షోభంతో వాహన డీలర్షిప్లలో భారీగా ఉద్యోగాలు పోయే ప్రమాదం ఏర్పడినట్లు ఆటోమోబైల్ డీలర్స్ సమాఖ్య 'ఫాడా' ఆందోళన వ్యక్తం చేసింది. గత ఏడాది మందగమనం కారణంగా ఎదురైన సంక్షోభంతో పోలిస్తే.. ఈ ప్రభావం మరింత ఎక్కువగా ఉంటుందని అంచనా వేసింది. 2019లో మందగమనం కారణంగా డీలర్షిప్లలో దాదాపు 2 లక్షల మంది ఉద్యోగాలు కోల్పోయిన విషయాన్ని గుర్తు చేసింది.
2 లక్షల 'ఆటో' ఉద్యోగాలకు కరోనా గండం!
కరోనా సంక్షోభం వాహన రంగ ఉద్యోగుల పాలిట శాపంగా మారుతోంది. మరో నెలలో వాహన రంగంలో డిమాండ్ పుంజుకోకపోతే.. డీలర్షిప్లలో భారీగా ఉద్యోగాల కోత తప్పకపోవచ్చని.. ఆటో మోబైల్స్ డీలర్స్ సమాఖ్య 'ఫాడా' అందోళన వ్యక్తం చేసింది.
వాహన రంగ ఉద్యోగులకు కరోనా గండం
ఈ విషయంపై ఇప్పుడే స్పష్టమైన అంచనాకు రాలేమని 'ఫాడా' పేర్కొంది. నెలాఖరు వరకు డీలర్లు.. అవుట్లెట్లు, మానవ వనరులపై ఎలాంటి నిర్ణయం తీసుకుంటారో సర్వే ద్వారా తెలుసుకుని ఒక అవగాహనకు వస్తామని తెలిపింది. మరో నెల వరకు డిమాండ్ పుంజుకోకపోతే మాత్రం.. ఉద్యోగాల కోత తప్పకపోవచ్చని ఫాడా అధ్యక్షుడు ఆశిశ్ హర్షరాజ్ కాలే అభిప్రాయపడ్డారు.
ఇదీ చూడండి:కరోనా వేళ బంగారంపై పెట్టుబడి మంచిదేనా?