పాఠశాల భవనం నుంచి పడి విద్యార్థిని మృతి

పాఠశాల ప్రారంభమైన రెండో రోజే ఘోరం జరిగింది. స్కూల్​ భవనం నాలుగో అంతస్తు నుంచి ప్రమాదవశాత్తు పడిపోయి పదో తరగతి విద్యార్థిని మృతి చెందింది. ఘటన జరిగిన వెంటనే సిబ్బంది స్పందించినా ఫలితం దక్కలేదు.

హైదరాబాద్​ నాగోల్​లోని నాగార్జున​ పాఠశాల భవనం నాలుగో అంతస్తు నుంచి ఓ విద్యార్థిని ప్రమాదవశాత్తు పడి చనిపోయింది. పదో తరగతి చదువుతున్న విద్యార్థిని వివిక... భవనంపై నుంచి జారి పడి తీవ్రంగా గాయపడింది. వెంటనే బాలికను హుటాహుటిన కామినేని ఆస్పత్రికి తరలించారు. చికిత్స మొదలుపెట్టిన కాసేపటికే అమ్మాయి మృతి చెందినట్లు వైద్యులు వెల్లడించారు.

పాఠశాల యాజమాన్యం నిర్లక్ష్యం వల్లే..

తల్లిదండ్రులకు విషయం చేరవేయగా... ఆస్పత్రికి చేరుకున్నారు. తన కూతురు పాఠశాల యాజమాన్యం వల్లే మరణించిందంటూ... కన్నీరుమున్నీరయ్యారు.

విద్యార్థి సంఘాల ఆందోళన

పాఠశాలలో సరైన జాగ్రత్త చర్యలు తీసుకోకపోవటం వల్లే విద్యార్థిని చనిపోయిందని విద్యార్థి సంఘాల నాయకులు ఆరోపించారు. అమ్మాయి మృతి పట్ల పూర్తి బాధ్యత యాజమాన్యమే తీసుకోవాలని డిమాండ్​ చేస్తూ ఆందోళనకు దిగారు.

ఇవీ చూడండి: భర్త టిక్​టాక్ వద్దన్నాడు.. ఆత్మహత్య పోస్ట్ చేసింది