నరేంద్ర మోదీకి పాక్​ ప్రధాని శుభాకాంక్షలు

సార్వత్రిక ఎన్నికల్లో ఘన విజయం సాధించినందుకు ప్రధాని నరేంద్ర మోదీకి అభినందనలు తెలిపారు పాకిస్థాన్​ ప్రధాన మంత్రి ఇమ్రాన్​ ఖాన్​. దక్షిణాసియాలో శాంతి నెలకొల్పేందుకు కలిసి పనిచేయాలని అనుకుంటున్నట్లు చెప్పారు.

భాజపా ఘన విజయం సాధించినందుకు ప్రధాని నరేంద్ర మోదీకి పాకిస్థాన్​ ప్రధాని ఇమ్రాన్ ఖాన్​ శుభాకాంక్షలు తెలిపారు. మోదీకి అభినందనలు తెలుపుతూ ట్వీట్​ చేశారు ఇమ్రాన్​.

"భాజపా కూటమి ఎన్నికల్లో విజయం సాధించినందుకు మోదీకి శుభాకాంక్షలు. దక్షిణ ఆసియాలో శాంతి, అభివృద్ధి, శ్రేయస్సు కోసం కలిసి పనిచేసేందుకు ఎదురు చూస్తున్నా."
-ఇమ్రాన్​ ఖాన్​ ట్వీట్​.

పుల్వామా ఘటన అనంతరం భారత్​-పాకిస్థాన్​ మధ్య ద్వైపాక్షిక సంబంధాలు బలహీనపడ్డాయి. భారత్​లో సార్వత్రిక ఎన్నికల ఫలితాలు పాకిస్థాన్​కు​ కీలకంగా మారాయి. మోదీ మరోసారి అధికారంలోకి వస్తే ఇరు దేశాల మధ్య శాంతి చర్చలకు, కశ్మీర్ సమస్య పరిష్కారానికి మంచి అవకాశాలుంటాయని గత నెలలో ఇమ్రాన్​ అభిప్రాయపడ్డారు.

ఇదీ చూడండి: 'తీర్పును గౌరవిస్తున్నాం- కార్యకర్తలు అధైర్యపడొద్దు'