లేడీ గెటప్​లో ఉన్నా.. కేడీని పట్టేశారు!

బ్రెజిల్​లో ఓ దొంగ... పోలీసులకే సినిమా చూపించబోయి విఫలమయ్యాడు. అక్రమంగా మత్తుపదార్థాలు తరలించే ఆ కేడీ.. లేడీ గెటప్​లో పోలీసుల కళ్లుగప్పే ప్రయత్నం చేసి దొరికిపోయాడు.

బ్రెజిల్​ రియో డీ జెనీరోలో వేషం మార్చుకుని పారిపోయేందుకు ప్రయత్నించిన డ్రగ్స్​ స్మగ్లర్​ పోలీసులకు చిక్కాడు.. అచ్చం అమ్మాయిలా ఉన్నా బ్రెజిల్​ పోలీసులకు ఎక్కడో అనుమానం కలిగింది. వెంబడించి మరీ పట్టుకున్నారు. వేషాన్ని తీయమని ఆజ్ఞాపించారు. తలపై పెట్టుకున్న విగ్​, మొహానికి ధరించిన మాస్క్​ను తీశాడు. ఇంకేముంది మీసం లేని మగాడిగా తేలింది. స్మగ్లర్​ నిజస్వరూపం బయటపడింది.

పోలీసులు మొదట గెరిసినో జైలు నుంచి తప్పించుకున్న నేరస్థుడిగా అనుమానించారు. కానీ మాస్క్​ తీశాక రెడ్​ కమాండ్​ నేర సంస్థకు చెందిన 'బైక్సినో' అలియాస్​' క్లావినో డ సిల్వ'గా గుర్తించి పోలీసులు ఖంగు తిన్నారు.

ఇదీ చూడండి:పోలీసులనే ముప్పుతిప్పలు పెట్టిన మహిళ