ప్రధానమంత్రి నరేంద్ర మోదీ, ఉత్తర్ప్రదేశ్ ముఖ్యమంత్రి యోగి ఆదిత్యనాథ్కు బాంబు బెదిరింపు వచ్చింది. రెండు రోజుల క్రితం దీపక్ శర్మ అనే వ్యక్తి ట్విట్టర్ ఖాతా నుంచి ఈ బెదిరింపు ట్వీట్ బయటకొచ్చింది. డయల్ 112ను ట్వీట్తో ట్యాగ్ చేశారు నిందితులు. ఈ ఘటనను లఖ్నవూ పోలీసులు తీవ్రంగా పరిగణించారు. సమాచారం అందుకున్న అధికారులు వెంటనే రంగంలోకి దిగారు. క్రైమ్ బ్రాంచ్కు ఈ కేసును అప్పగించారు. క్రైమ్ బ్రాంచ్ డీసీపీ పీకీ తివారీ ఈ కేసును దర్యాప్తు చేస్తున్నారు.
ప్రధాని మోదీ, యూపీ సీఎం యోగికి బాంబు బెదిరింపు
దీపక్ శర్మ అనే వ్యక్తి ట్విట్టర్ ఖాతా నుంచి ప్రధాని మోదీ, యూపీ సీఎం యోగికి బాంబు బెదిరింపు సందేశం అందింది. ట్వీట్కు డయల్ 112ను ట్యాగ్ చేశాడు నిందితుడు. ఘటనపై సమాచారం అందుకున్న వెంటనే రంగంలోకి దిగిన అధికారులు.. నిందితుడిని త్వరలోనే అరెస్ట్ చేస్తామని చెప్పారు.
ప్రధాని మోదీ- యూపీ సీఎం యోగికి బాంబు బెదిరింపు
అయితే ఘటన జరిగి రెండు రోజులు గడిచినా.. పోలీసులు ఈ వ్యవహారంపై ఎలాంటి పురోగతి సాధించలేకపోయారు. దంతేరస్ రోజున ఈ ట్వీట్ చేశారు. ప్రధాని మోదీ, యూపీ సీఎం యోగిని బాంబు పేల్చి చంపుతామని అందులో రాసుకొచ్చారు. అయితే ఆ ట్విట్టర్ ఖాతా నకిలీదని పోలీసులు భావిస్తున్నారు. గతంలోనూ ఇలాంటి ఘటనలు జరిగాయని, నిందితులను పట్టుకున్నామని పీకే తివారీ చెప్పారు. త్వరలోనే నిందితులను పట్టుకుంటామని స్పష్టం చేశారు.
ఇదీ చూడండి:-బోర్డర్లో 'టిఫిన్ బాక్స్ బాంబుల' కలకలం- అసలేం జరుగుతోంది?
TAGGED:
Threat to kill PM Modi