త్రిపుర ముఖ్యమంత్రి బిప్లవ్‌ కుమార్ దేవ్‌ మరోసారి ఆసక్తికర వ్యాఖ్యలతో వార్తల్లో నిలిచారు. భాజపాను త్వరలో నేపాల్, శ్రీలంకలో విస్తరింపజేయాలని అధిష్ఠానం యోచిస్తోందని అగర్తలాలో పార్టీ సమావేశంలో ఆయన అనడం చర్చనీయాంశమైంది.
నేపాల్, శ్రీలంకలోనూ భాజపా విస్తరణ: త్రిపుర సీఎం
"కేవలం మన దేశంలోనే కాదు... పొరుగు దేశాల్లోనూ భాజపాను విస్తరించాలని పార్టీ యోచిస్తోంది. నేపాల్, శ్రీలంకలో పార్టీ విస్తరణకు కేంద్ర హోంమంత్రి అమిత్‌షా వద్ద ప్రణాళికలు ఉన్నాయి. ఈ విషయాన్ని అమిత్‌ షా గతంలో పార్టీ ఈశాన్య రాష్ట్రాల పార్టీ కార్యదర్శి అజయ్‌ జమ్వాల్‌తో స్వయంగా ప్రస్తావించించారు"
--బిప్లవ్‌ కుమార్ దేవ్‌, త్రిపుర ముఖ్యమంత్రి