తండ్రిని వాట్సాప్ ద్వారా బెదిరించి ఏకంగా రూ.కోటి డిమాండ్ చేసింది ఓ 11 ఏళ్ల బాలిక. ఈ సంఘటన ఉత్తర్ప్రదేశ్లోని గాజియాబాద్లో జరిగింది.
ఇంతకీ ఏం జరిగిందంటే..
శాలిమార్ గార్డెన్ ఏరియాకు చెందిన 11 ఏళ్ల బాలికను తల్లిదండ్రులు మందలించారు. దీంతో మనస్తాపం చెందిన బాలిక.. తండ్రి ల్యాప్టాప్ నుంచే ఆయనకు సందేశం పంపింది. రూ.కోటి ఇవ్వాలని డిమాండ్ చేసింది. లేదంటే ఆయన కుమారుడు, కూతురిని చంపేస్తానని బెదిరించింది.
దీంతో బాలిక తండ్రి పోలీసులకు ఫిర్యాదు చేశారు. దర్యాప్తు ప్రారంభించిన పోలీసులు ఈ సందేశం అతని ఇంట్లో నుంచే వచ్చిందని గుర్తించారు. దీంతో కంగుతిన్న ఫిర్యాదుదారుడు.. కూతురిని ప్రశ్నించారు. వారు తిట్టడం వల్ల మనస్తాపం చెందినందుకే ఈ పనిచేసినట్లు బాలిక అంగీకరించింది.
అయితే ఈ కేసులో పోలీసులు ఎలాంటి చర్యలు తీసుకోలేదు. కాకపోతే.. బాలికకు కౌన్సెలింగ్ ఇచ్చి, భవిష్యత్తులో ఇలాంటి ఘటనలకు పాల్పడకుండా ఉండేలా జాగ్రత్త తీసుకోమని తల్లిదండ్రులకు సూచించారు.
