భార్యభర్తల మధ్య గొడవలు సహజం. కొన్నిసార్లు భర్తపై భార్య అలగడం, మరికొన్నిసార్లు భార్యపై భర్త అలగడం ప్రతి దంపతుల విషయంలో జరిగేదే. ఒక వేళ ఎప్పుడైనా పెద్ద గొడవ జరిగినా.. కోపం ఓ రెండ్రోజులు ఉంటుంది అంతే. తరువాత మాములే. కానీ ఒడిశాకు చెందిన ఓ భర్త మాత్రం.. తన భార్య మీద 42 ఏళ్లుగా అలిగాడు. అప్పటి నుంచి అన్నం తినడం మానేశాడు. కేవలం ఛాయ్ తాగుతూ, అటుకులు తింటూ జీవిస్తున్నాడు. ఇన్నేళ్లయినా ఇంకా భార్యపై అతడికి కోపం తగ్గలేదు.
ఏం జరిగిందంటే?
జైపుర్ జిల్లాలోని వికీపుర్ గ్రామానికి చెందిన రామచంద్ర(76)కు 22 ఏళ్ల వయసులో సీత అనే మహిళ వివాహం జరిగింది. 42 సంవత్సరాల క్రితం వీరిద్దరి మధ్య చిన్నగొడవ జరిగింది. ఓ రోజు రామచంద్ర కూలిపనికి వెళ్లి సాయంత్రం ఇంటికొచ్చాడు. అన్నం పెట్టమని భార్యను అడిగాడు. కానీ ఆమె అనారోగ్యంతో బాధపడుతున్న కారణంగా వంట చేయలేదు. రామచంద్రకు అన్నం పెట్టలేకపోయింది.