హరియాణాలో భారత్ బయోటెక్ అభివృద్ధి చేసిన కరోనా వ్యాక్సిన్ 'కొవాగ్జిన్' మూడో దశ ప్రయోగాలు ప్రారంభమయ్యాయి. క్లినికల్ ట్రయల్స్‌ కోసం తొలి వలంటీర్గా పేరు నమోదు చేయించుకునేందుకు ముందుకు వచ్చిన ఆ రాష్ట్ర ఆరోగ్య శాఖ మంత్రి అనిల్ విజ్ వ్యాక్సిన్ తీసుకున్నారు. అంబాలాలోని ఆసుపత్రిలో ఆయన టీకా వేయించుకున్నారు.
26 వేల మంది వలంటీర్లు..
దేశవ్యాప్తంగా 25 కేంద్రాల్లో చేస్తోన్న ఈ ప్రయోగ పరీక్షల్లో 26 వేల మంది వలంటీర్లు పాలుపంచుకుంటున్నారు. ఇప్పటికే ఒకటి, రెండు దశల్లో చేపట్టిన ప్రయోగాలు విజయవంతమైనట్లు సంస్థ పేర్కొంది.
భారత వైద్య పరిశోధన మండలిశ(ఐసీఎంఆర్) సహకారంతో అభివృద్ధి చేస్తున్న ఈ టీకా కోసం దేశంలో భారత్ బయోటెక్ చేపడుతోన్న అతిపెద్ద క్లినికల్ పరీక్ష ఇదే కావడం విశేషం.
