'కేరళలో అధికారం లేదా 'కింగ్​మేకర్'​గా భాజపా'

కేరళలో భాజపా మెజారిటీ స్థానాలు సాధిస్తుందని విశ్వాసం వ్యక్తంచేశారు ఆ పార్టీ నేత మెట్రో మ్యాన్​ శ్రీధరన్. ఎక్కువ సీట్లు రాకపోయినా ప్రభుత్వ ఏర్పాటులో తాము కీలకంగా మారుతామని జోస్యం చెప్పారు.

కేరళలో భారతీయ జనతా పార్టీ గెలుపుపై ధీమాగా ఉన్నారు 'మెట్రో మ్యాన్' శ్రీధరన్. తమ పార్టీ రాష్ట్రంలో కింగ్​మేకర్​గా అవతరిస్తుందని చెప్పారు. అసెంబ్లీ ఎన్నికల ప్రచారానికి మలంపులలో హోమంత్రి అమిత్​షా రోడ్​షోలో శ్రీధరన్ పాల్గొన్నారు.

"కేరళలో భాజపాకు పూర్తి మెజారిటీ వస్తుంది. లేదా కింగ్​మేకర్​గా అవరించడానికి కావాల్సిన సంఖ్యాబలం అయినా లభిస్తుంది. ఎల్డీఎఫ్, యూడీఎఫ్​లతో విసుగుచెందిన ప్రజలకు భాజపా రూపంలో ప్రత్యామ్నాయం దొరికింది. వారు తప్పక మాకే ఓటేస్తారు."

- శ్రీధరన్, భాజపా నేత

రాష్ట్రంలో ఎన్డీయే అధికారంలోకి వస్తే.. పరిశ్రమలు, ఉద్యోగాల కల్పనపై దృష్టిసారిస్తామని శ్రీధరన్ తెలిపారు. విద్యావ్యవస్థ మెరుగుపరుస్తానన్నారు. పారదర్శక, సమర్థవంతమైన, అవినీతి రహిత పాలన అందిస్తానని చెప్పారు.

ఇదీ చూడండి:'కేరళలో ఎల్​డీఎఫ్, యూడీఎఫ్​ సంప్రదాయానికి బ్రేక్​'