భర్తను చంపి.. గేదె శవమంటూ పూడ్చిపెట్టి...

కర్ణాటక బెళగావిలోని నిప్పాని తాలుకాకు చెందిన దంపతుల మధ్య 'వివాహేతర సంబంధం' చిచ్చు రేపింది. అక్రమ సంబంధాన్ని ప్రశ్నించినందుకు భర్తను హత్య చేసింది భార్య. అయితే తన గేదె చనిపోయిందని చెబుతూ.. భర్త మృతదేహాన్ని జేసీబీ సహాయంతో పూడ్చిపెట్టింది.

అక్రమ సంబంధాన్ని ప్రశ్నించినందుకు భర్తను హత్య చేసింది ఓ మహిళ. అతడి మృతదేహాన్ని మాయం చేసేందుకు మాస్టర్​ ప్లాన్​ రచించింది. తన గేదె చనిపోయిందని.. దాన్ని పూడ్చేందుకు గొయ్యి తవ్వాలని జేసీబీని పిలిపించింది. చివరికి భర్త మృతదేహాన్ని అందులో పూడ్చిపెట్టింది. ఈ ఘటన కర్ణాటక బెళగావి జిల్లా నిప్పానిలోని హంచనల గ్రామంలో జరిగింది.

ఘటనాస్థలం వద్ద అధికారులు

కర్రతో కొట్టి...

సచిన్​- అనితకు కొన్నేళ్ల క్రితం వివాహమైంది. పెళ్లి తర్వాత అనితకున్న అక్రమ సంబంధం గురించి తెలుసుకున్నాడు సచిన్​. ఇదే విషయంపై వీరిద్దరు తరచూ గొడవపడేవారు. ఈ నెల 3న గొడవ మరింత తీవ్రమైంది. దీంతో భర్తను కర్రతో కొట్టి చంపేసింది భార్య.

అనంతరం ఈ విషయం ఎవరికీ తెలియకూడదని ఓ ప్రణాళికను రచించింది. వెంటనే జేసీబీని పిలిపించింది. తన గేదె చనిపోయిందని.. ఆ శవాన్ని పూడ్చిపెట్టాలని చెప్పి గొయ్యి తవ్వించింది. ఆ తర్వాత సచిన్​ మృతదేహాన్ని ఆ గొయ్యిలో వేసి పూడ్చిపెట్టేసింది. ఆమె సోదరి, సోదరుడు, మరో వ్యక్తి కూడా అనితకు ఇందులో సహాయం చేశారు.

ఘటనాస్థలం

ఈ పూర్తి వ్యవహారాన్ని తెలుసుకున్న నిప్పాని గ్రామీణ పోలీస్​ స్టేషన్​ అధికారులు.. కేసు నమోదు చేసుకుని నిందితుల కోసం గాలింపు చర్యలు చేపట్టారు.

ఇదీ చూడండి:-ప్రేయసి భర్తను చంపి బావిలో పడేసిన ప్రియుడు