కశ్మీర్​లో పోలీసులపై కాల్పులు.. ఇద్దరికి గాయాలు

జమ్ము కశ్మీర్​ కిష్త్​వార్​​ ప్రాంతంలో ఆదివారం రాత్రి జరిగిన కాల్పుల్లో  ఇద్దరు పోలీసు అధికారులు (ఎస్​పీఓలు)గాయపడ్డారు. విధుల్లో ఉన్న వీరిరువురిపై రాత్రి 10 గంటల సమయంలో అనుమానాస్పద రీతిలో కాల్పులు జరిగాయని అధికారులు తెలిపారు. దీనిపై దర్యాప్తు చేస్తున్నట్లు వివరించారు.

జమ్ము కశ్మీర్​ కిష్త్​వార్​​​ ప్రాంతంలో విధులు నిర్వహిస్తున్న ఇద్దరు ప్రత్యేక పోలీసు అధికారులపై ఆదివారం రాత్రి కాల్పులు జరిగాయి. అప్రమత్తమైన పోలీసులు క్షతగాత్రులిద్దరినీ ఆసుపత్రికి తరలించారు.

ఇదీ జరిగింది

ఆదివారం రాత్రి సెమినా కాలనీలోని ఫిల్​ట్రేషన్​ ప్లాంట్​ వద్ద ప్రత్యేక పోలీసు అధికారులు విధులు నిర్వహిస్తున్నారు. రాత్రి 10 గంటల సమయంలో వారిపై కాల్పులు జరిగాయి. కాల్పుల శబ్దం వినబడిన వెంటనే అప్రమత్తమైన పోలీసులు ఘటనా స్థలానికి చేరుకున్నారు. బుల్లెట్​ గాయాలతో పడివున్న వారిద్దరిని ఆసుపత్రికి తరలించారు.

ప్రాథమిక దర్యాప్తులో ఇది ఉగ్రవాదుల దాడి కాదని నిర్ధరించారు. కాల్పులకు సంబంధించిన వాస్తవాలను గురించి దర్యాప్తు చేస్తున్నట్లు పోలీసు అధికారులు తెలిపారు.

ఇదీ చూడండి : ముంబయి: 13 అంతస్తుల భవనంలో అగ్నిప్రమాదం