విద్యుత్​ తీగకు బస్సు తాకి ఆరుగురు మృతి

రాజస్థాన్​లో జరిగిన ఘోర బస్సు ప్రమాదంలో ఆరుగురు సజీవ దహనమయ్యారు. షార్ట్ సర్క్యూట్​ రూపంలో ఎదురైన మృత్యువు వీరిని బలి తీసుకుంది.

రాజస్థాన్​లోని జలోర్ జిల్లా మహేష్​పురా​లో భక్తులతో ప్రయాణిస్తున్న బస్సు విద్యుదాఘాాతానికి గురైంది. శనివారం అర్ధరాత్రి జరిగిన ఈ ఘటనలో ఆరుగురు మరణించగా.. మరో 20 మందికి గాయాలయ్యాయి.

విద్యుత్​ తీగకు బస్సు తాకి ఆరుగురు మృతి

కాలిపోయిన బస్సు

జలోర్ తాలూకా మహేష్‌పురా గ్రామంలోకి ప్రవేశించగానే బస్సు డ్రైవర్ నియంత్రణ కోల్పోయాడని.. ఫలితంగా వేలాడుతున్న విద్యుత్​ తీగను బస్సు తాకి మంటలు చెలరేగాయని ప్రత్యక్ష సాక్షులు తెలిపారు. ఈ ప్రైవేటు బస్సు బార్మెర్ నుంచి భక్తులతో అజ్మీర్‌లోని బేవార్‌కు బయలుదేరిందని డిప్యూటీ పోలీస్ సూపరింటెండెంట్ హిమ్మత్ సింగ్ తెలిపారు.

ప్రమాదం జరిగిన బస్సు..

ప్రమాద దృశ్యాలు..

గాయపడిన వారిని జోధ్​పుర్ ఆస్పత్రికి తరలించామని.. సహాయక చర్యలు కొనసాగుతున్నాయని జలోర్ జిల్లా అదనపు కలెక్టర్ తెలిపారు.

ఇదీ చదవండి:ఒకరి అతివేగం.. తీసింది ఇద్దరి ప్రాణం