మద్యం బాటిళ్లపై గాంధీ.. రాజ్యసభ అభ్యంతరం

ఇజ్రాయెల్​ మద్యం కంపెనీపై రాజ్యసభ సభ్యులు ఆందోళన వ్యక్తం చేశారు. మద్యం బాటిళ్లపై మహాత్మగాంధీ చిత్రాన్ని ప్రచురించటాన్ని తప్పుబట్టారు. ఈ విషయాన్ని విదేశాంగ మంత్రి జైశంకర్​ దృష్టికి తీసుకెళ్లాలని సభాపతిని కోరారు.

ఇజ్రాయెల్​కు చెందిన ఓ కంపెనీ మద్యం సీసాలపై మహాత్మగాంధీ చిత్రాన్ని ప్రచురించటాన్ని రాజ్యసభ ఎంపీలు తప్పుబట్టారు. ఈ విషయాన్ని విదేశాంగ మంత్రి జైశంకర్​ దృష్టికి తీసుకెళ్లి పరిష్కరించాలని సభాపతిని కోరారు ఎంపీలు.

ఎగువ సభలో శూన్య గంటలో భాగంగా ఆమ్ ఆద్మీ ఎంపీ సంజయ్​ సింగ్​ ఈ విషయాన్ని సభలో లేవనెత్తారు. భారత జాతి పితను ఇజ్రాయెల్​ కంపెనీ అగౌరవపరిచిందని ఆరోపించారు. కంపెనీపై తగిన చర్యలు తీసుకుని సీసాలపై మహాత్ముడి చిత్రాన్ని తొలగించేలా చర్యలు తీసుకోవాలని డిమాండ్​ చేశారు. ఇందుకు సభలో చాలా మంది ఎంపీలు మద్దతు తెలిపారు.

ఇదీ చూడండి: ఇలా నిరసన తెలిపే నాయకుణ్ని చూసుండరు!​