'దిశ'ఎన్​కౌంటర్​కు ఓ యజమాని ఫిదా.. రూ.5 లక్షలు విరాళం

దిశ హత్యాచార నిందితులను ఎన్​కౌంటర్​ చేసినందుకు తెలంగాణ పోలీసులకు దేశవ్యాప్తంగా విరాళాలు వెల్లువెత్తుతున్నాయి. గుజరాత్​కు చెందిన ఓ వ్యాపారి ఇదివరకే రూ.లక్ష విరాళం ప్రకటించగా.. తాజాగా హరియాణా రోహ్​తక్​కు చెందిన  'పిజ్జా బీన్'​ దుకాణం యజమాని రూ.5 లక్షలు విరాళం ప్రకటించారు.

హైదరాబాద్​ షాద్​నగర్​లో పశువైద్యురాలు దిశ హత్యాచారం నిందితులను ఎన్​కౌంటర్​ చేసిన పోలీసులకు దేశవ్యాప్తంగా ప్రశంసలు అందుతున్నాయి. ఖాకీల నిర్ణయాన్ని స్వాగతిస్తూ.. అభినందనలు కురిపిస్తున్నారు ప్రజలు. ఈ క్రమంలో పోలీసులకు విరాళాలు ప్రకటిస్తున్నారు కొందరు వ్యాపార వేత్తలు. గుజరాత్​కు చెందిన ఓ వ్యాపారి ఇదివరకే రూ.లక్ష విరాళం ప్రకటించగా.. తాజాగా హరియాణా రోహ్​తక్​కు చెందిన 'పిజ్జా బీన్'​ దుకాణం యజమాని విరాళం ప్రకటించారు.

పిజ్జా బీన్​ 5 లక్షలు..

నిందితులను ఎన్​కౌంటర్​ చేయటంపై హరియాణా రోహ్​తక్​కు చెందిన 'పిజ్జా బీన్'​ దుకాణం సిబ్బంది సంతోషం వ్యక్తం చేశారు. హైదరాబాద్​ పోలీసులకు రూ.5 లక్షల బహుమతి ప్రకటించారు. భవిష్యత్తులో ఇలాంటి ఘటనలు ఎదురైనప్పుడు ధైర్యంగా నిర్ణయాలు తీసుకునే పోలీసులు, జవాన్లను పిజ్జా స్టోర్​ ప్రోత్సహిస్తుందని తెలిపారు.

లక్ష రూపాయల విరాళం..

తెలంగాణ పోలీసు సంక్షేమ నిధికి లక్ష రూపాయల ఆర్థికసాయం ప్రకటించారు గుజరాత్​ భావ్​నగర్​కు చెందిన వ్యాపారి రాజ్​భా గోహిల్. దిశ కేసులోని నిందితులను ఎన్​కౌంటర్ చేసినందుకు గానూ ఈ విరాళం ఇస్తున్నట్లు తెలిపారు.

ఇదీ చూడండి:'దిశ' ఎన్​కౌంటర్​ పోలీసులకు లక్ష రూపాయల విరాళం!