కశ్మీర్పై వెనక్కి తగ్గితే భారత్తో దౌత్య సంబంధాలను పునరుద్ధరించడంపై సమీక్షిస్తామని పాకిస్థాన్ ప్రకటించింది. ఈ విషయాన్ని ఆ దేశ విదేశాంగ మంత్రి షా మహమూద్ ఖురేషి వెల్లడించారు. ఆర్టికల్ 370 రద్దు అనంతరం బుధవారం భారత రాయబారిని వెనక్కి పంపిస్తామని ప్రకటించింది పాక్. భారత్తో దౌత్య సంబంధాలను తెగతెంపులు చేసుకుంటామని ప్రకటించింది.
"వారు(భారత్) తమ నిర్ణయాలను సమీక్షించేందుకు సిద్ధంగా ఉన్నారా? వారు సిద్ధంగా ఉంటే మా నిర్ణయాలను పునఃసమీక్షించుకునేందుకు సిద్ధమే. సమీక్ష ఇరువైపులా జరగాలి. ఇదే సిమ్లా ఒప్పందం చెప్తోంది."
-షా మహమూద్ ఖురేషి, పాక్ విదేశాంగ మంత్రి.
నాటి ప్రధానులు ఇందిరా గాంధీ, జుల్ఫికర్ అలీ భుట్టో మధ్య జరిగిన సిమ్లా ఒప్పందాన్ని పరిశీలిస్తామని... 1972లో జరిగిన ఈ ఒప్పందమే ఇరు దేశాల దౌత్య సంబంధాలకు మార్గదర్శి అని వ్యాఖ్యానించారు ఖురేషి.పాక్ రైల్వే మంత్రి సంఝౌతా ఎక్స్ప్రెస్ రద్దుపై తీసుకున్న నిర్ణయాన్ని ఖురేషి సమర్థించారు.
కశ్మీర్ అంశం అంతర్గత వ్యవహారమని భారత్ ప్రకటించడం సరికాదని... 14 సందర్భాల్లో కశ్మీరీల అభీష్టానికి అనుగుణంగానే రాష్ట్ర భవిష్యత్తు ఆధారపడి ఉంటుందని నాటి ప్రధాని జవహర్లాల్ నెహ్రూ చేసిన వ్యాఖ్యలను గుర్తు చేశారు ఖురేషి.
కశ్మీరీల సమస్యను ఐక్యరాజ్యసమితి వద్ద లేవనెత్తుతామని వెల్లడించిన ఆయన... పాకిస్థాన్ గగనతలాన్ని మూసేశామన్న వార్తల్లో నిజం లేదన్నారు. తమ గగనతలం ఇప్పటికీ తెరిచే ఉంచామన్నారు. కర్తార్పూర్ నడవా పూర్తి చేసేందుకు చిత్తశుద్ధితో ఉన్నామని తెలిపిన పాక్ విదేశాంగ మంత్రి... భారత్తో అసఖ్యత ప్రభావం అఫ్గాన్పై చూపించబోమని స్పష్టం చేశారు.
ఇదీ చూడండి: లైవ్: కశ్మీర్ భద్రత, భవితపై మోదీ హామీ
