దేశవ్యాప్తంగా లాక్డౌన్ కారణంగా వలసకూలీల కష్టాలు అన్నీఇన్నీ కావు. స్వస్థలాలకు చేరుకోవాలన్న ఆశతో కొందరు వందల కిలోమీటర్లు నడుస్తున్నారు. ఇలానే ఓ నిండు గర్భిణి రాజస్థాన్ నుంచి ఉత్తర్ప్రదేశ్లోని తన స్వగ్రామం కాస్గంజ్ చేరేందుకు.. కాలిబాట పట్టింది. కుటుంబంతో కలిసి వందల కిలోమీటర్లు ప్రయాణించింది.
నెలలు నిండిన గర్భవతి.. మండుటెండను సైతం మరచి
ఇప్పటికే నెలలు నిండిన ఆ మహిళకు.. ఏ సమయంలో ప్రసవం అవుతుందో తెలియని పరిస్థితి. ఈ తరుణంలోనే త్వరగా ఇంటికి వెళ్లాలని ఆశిస్తున్నారు కుటుంబసభ్యులు. మహిళతో పాటు ఇంకా అనేక మంది వలసకార్మికులు రాజస్థాన్ సరిహద్దులో నడవడం కనిపించారు. వీరిలో చిన్నారులు, మహిళలు ఉన్నారు. మండెటెండను లెక్క చేయకుండా ప్రయాణం సాగిస్తున్నారు.