18:03 January 23
నేతాజీ గర్వపడేవారు..
ఒకప్పుడు నేతాజీ కలలు కన్న విధంగా.. ఇప్పుడు ఎల్ఏసీ నుంచి ఎల్ఓసీ వరకు భారత దేశం ఎంతో శక్తివంతంగా ఎదిగిందని ప్రధాని వెల్లడించారు. దేశ సార్వభౌమత్యానికి సవాళ్లు ఎదురైన ప్రతిసారీ భారత్ దీటుగా జవాబు చెప్పిందన్నారు.
ఈ సందర్భంగా కరోనా వ్యాక్సినేషన్ గురించి ప్రస్థావించారు. నేతాజీ ఇప్పుడు ఉండి ఉంటే.. టీకా విషయంలో ఇతర దేశాలకు భారత్ సహాయం చేస్తున్న తీరును చూసి గర్వపడేవారని పేర్కొన్నారు.
17:23 January 23
మోదీ ప్రసంగం...
17:15 January 23
మమత అసహనం...
వేడుకల్లో భాగంగా ముఖ్యమంత్రి మమతా బెనర్జీ ప్రసంగించాల్సిన సమయంలో ఉద్రిక్త వాతావరణ నెలకొంది. ప్రధానమంత్రి నరేంద్ర మోదీ సమక్షంలో మమతకు వ్యతిరేకంగా నినాదాలు చేశారు కొందరు వ్యక్తులు. దీనిపై తీవ్ర అసహనం వ్యక్తం చేస్తూ.. ప్రసంగించకుండానే వెనుదిరిగారు మమత.
17:07 January 23
వేడుకలు..
నేతాజీ జయంతి ఉత్సవాల్లో భాగంగా.. సుభాష్ చంద్రబోస్ లేఖలతో కూడిన పుస్తకాన్ని ప్రధానమంత్రి నరేంద్ర మోదీ ఆవిష్కరించారు. అనంతరం నేతాజీ స్మరణలో పోస్టల్ స్టాంప్ను విడుదల చేశారు.
16:26 January 23
విక్టోరియా మెమోరియల్..
ప్రధానమంత్రి నరేంద్ర మోదీ విక్టోరియా మెమోరియల్ను సందర్శించారు. ముఖ్యమంత్రి మమతా బెనర్జీ, గవర్నర్ ధన్కర్లు కూడా మోదీ వెంటే ఉన్నారు.
15:58 January 23
నేషనల్ లైబ్రరీ..
ప్రధానమంత్రి నరేంద్ర మోదీ.. కోల్కతాలోని నేషనల్ లైబ్రరీని సందర్శించారు. నిర్వహకులు మోదీకి లైబ్రరీ విశేషాలను వివరించారు.
15:34 January 23
నేతాజీ భవన్లో..
బంగాల్లో పర్యటిస్తున్న ప్రధాని మోదీ కోల్కతాలోని నేతాజీ భవన్ను సందర్శించారు.
మరికొద్ది సేపట్లో నేతాజీ జయంతి వేడుకల్లో పాల్గొననున్నారు మోదీ. ఈ సందర్భంగా ప్రసంగించనున్నారు.
15:22 January 23
కోల్కతాలో మోదీ..
అసోం పర్యటనను ముగించుకుని ప్రధానమంత్రి నరేంద్ర మోదీ.. బంగాల్ రాజధాని కోల్కతాకు చేరుకున్నారు. ఆజాద్‌ హింద్‌ ఫౌజ్‌ సారథి నేతాజి సుభాష్ చంద్రబోస్ జయంతి వేడుకల్లో పాల్గొననున్నారు.
12:45 January 23
బంగాల్లో నేతాజీ జయంతి వేడుకలకు మోదీ
స్వాతంత్య్ర సమరయోధుడు, ఆజాద్‌ హింద్‌ ఫౌజ్‌ సారథి నేతాజి సుభాష్ చంద్రబోస్ జయంతి వేడుకల్లో పాల్గొనేందుకు బంగాల్ వెళ్తున్నారు ప్రధాని నరేంద్ర మోదీ. కోల్కతాలో భాజపా ర్యాలీకి హాజరుకానున్నారు.
కార్యకర్తలను ఉద్దేశించి ప్రసంగించనున్నారు. జనవరి 23న నేతాజి జయంతిని 'పరాక్రమ్ దివస్'గా జరపాలని ఇటీవలే కేంద్రం ప్రభుత్వం నిర్ణయించింది. ఈ నేపథ్యంలో బంగాల్ వ్యాప్తంగా భాజపా కార్యక్రమాలు నిర్వహిస్తోంది.